للا سف محد عبرني ..لكني لسى في امل!!!
عندي استفسار ثاني وهو انو الي اعرفه انو ممكن الواحد يجيب تصريح من الامارة بالسفر لتايلند اكيد باستخدام افضل فيتامين مكتشف لحد الان وهو فيتامين "و" الواسطة الله يبيدها ....هل الشئ هذا لازال موجود ...
اتمنى تردون علي من خبراتكم؟؟
تحياتي

هلا اختي في موضوع عن الدخول لتايلند تحصلينه في الاستفسارات واخوي الخالدي ماقصلر وجاب لنا العلم انه عادي تقريبا لدرجه انه السفاره تعطيك الفيزا مجانا لمده شهر واذا بغيتي من مطار تايلند بسعر بسيط زبده الموضوع شوف موضوع الخالدي

تايلند ماعندها اي مشكله في دخول اي شخص و ماتمنع دخولكم
لكن المشكله السعوديه تمنع سفر السعوديين لعدة دول من ضمنها العراق و تايلند و اسرائيل و افغانستان على ماأعتقد
طبعاً المشكله اللي راح تواجهوها و هي في تجديد جوازاتكم بعد سفركم لتايلند وختم دخولكم و خروجكم من تايلند على الجواز
و لو عندكم واسطه في الجوازات ممكن يتسهل تجديد الجواز بدون اي مشكله
واذا ماكان عندكم واسطه في غرامه 500 ريال للجواز و كذلك تعهد بعدم السفر و بعض الأسئله الروتينيه ،،
وتصريح السفر لتايلند ممكن عن طريق الإماره او عن طريق الغرفه التجاريه لو جبتم اثبات انه في تعامل تجاري مع البلد
و بالتوفيق

اخوي هاوي المنتدى الله يجزاك الف خير انا بصراحة دورت ولا حصلت بس الضاهر اني ما بحثت زين برجع واشوف ...
اخوي mohluv تسلم ما قصرت هذا الي ابغى اعرفه بس انا لي زميلات جابو عن طريق الامارة تصاريح لهم ولازواجهم وهم مالهم اي علاقه بالتجارة بس مجرد تصريح وعلى كلامها عند تجديد الجواز نرفق التصريح ومحد بيقول شئ ..عموما بنجهز الواسطه وقت تجديد الجوزات سنه 2013 الله يحينا على طاعته جميعا...
تخياتي للجميع

توكلي على الله وهذا انا وزوجتي الحين في بوكت والامور طيبة
والتأشيره مطلعينها من مطار بانكوك بكل سهوله ولله الحمد
رحلة موفقه
كل الود

مرحبا _الصراحه تايلاند ماتخلى

للاسف زوجي رفض الفكرة رفضا تاما !!!!! نفسي بشرق اسيا بس الضاهر انها بتتحول لامريكا....
ماليزيا رحت لها ولا ودي اكرر واندونيسيا ما ادري بس ما اعتقد؟؟

انا امس الخميس جاي من تايلند انا وزوجتي
خلني اقولك على بعض الاشياء
السفر ممنوع من قبل السعودية
لكن تايلند يرحبون فيك لاقصى درجة
الفيزا في المطار تاخذونها ببلاش بس لمدة 15 يوم
البلد جميل سياحيا من نواحي وسيء سياحيا لاقصى درجة من نواحي
الجميل :
1- رخيص الى درجة اني ماخذ فيلا في شنغماي داخل منتجع الفيلا دورين بساونا ستريم وساونا خشب وصالة مطلة على المسبح والغابة ( بنزلها بموضوع خاص ) بسعر 480 ريال اليوم
2- الناس من شدة ترحيبهم فيك وطيبتهم تحس انهم شوي ويبوسون رجلينكم فعلا ماشفت باي مكان زيهم
3- رحلاتهم السياحية روعه بالمره
لكن فيه اشياء سيئة قلت الحمدلله اني ماجبت عيالي معي لانه لو كان ( الاولاد معي ) كان جلست بالفندق ولا طلعت منها :
1- الاوروبيين ( مفاصيخ لاقصى حد ممكن على البحر وغير البحر ) ************
2- الممارسات الجنسية على عينك يامشتري التايلانديات يصفن بكل مكان بالشوارع
3- دعايات للمارسة الجنس باعلان وش كبره في بعض الشوارع
4- الديسكوات والرقص والليدي بوي في الشارع مفتوح يعني مو في اماكن مغلقه
5- مختبرات منتشره في كل مكان لفحص الدم بعضها مكتوب فيه ( فحص الايدز )
6- اكلهم وسخ لاقصى درجه ومجرد انك تناظرينه تعرفين انه وسخ
قرار موفق من زوجك والحقيقة انها نفس ماليزيا تماما على وساخة وقلة تنظيم ونصب يوجع راسك

السيف العربي...
اخوي جزاك الله خير على النصيحة ... اذا فعلا كذا اعوذ بالله ما اخذ عيالي يشوفون هالبلاوي الله يسترنا ..طيب اذا عندك فكرة عن بالي في اندونيسيا هل هي راقيه ونظيفه انا بصراحة ماليزيا من كثر العرب فيها ما ودي ارجع لها وودي في بحر وفلل وشئ نظيف يكون والواحد ما يرجع ويندم على الروحة انا بصراحة سفراتي كلها اوروبا كانت ولا ودي اروح ويضيق صدري فياليت لو عندك فكرة او اي احد من الاخوان..؟؟؟؟
وارجع واقولك الف شكر على النصيحة الله يجعلها في ميزان حسناتك يارب...