شباب نصيحة لحد يسافر على فلاي دبي على اساس انه في فخامة ولا احد يظلم الشركة في نفس الوقت
فلاي دبي طيران اقتصادي يعني على قد فلوسك انا مرة سافر ب350 ريال منها لكن لاتتوقع انها تضاهي الخطوط الاماراتية او غيرها
ثاني شئ اللي يبي يسافر لدبي يسافر على فلاي امارات او القطرية او السعودية اذا تبي فخامة
وفلاي دبي هدفها فقط النقل وليس الترفيه يعني مثل لما تسافر لمكة بباص الحي او بالنقل الجماعي
معلومة مهمه اذا تبي تسافر لمطار دبي انصحك تسافر لتيرمنال1 او 3 راح تعرف المطارات كيف تشتغل صح وتعرف معنى المطار واجهة للبلد
معلومة مهمه لاتروح دبي وانت ماحجزت فندق لان الشعب خلاص صار واعي ومدرك لهالامور
لاني مرة حجزت فندق بصراحة ممتاز في منطقة الرقه وهو ماكمل سنة يعني كل شي فيه جديد الليلة اخذتها ب340 ريال
وانا في الرسبشن جا شخص توه واصل ويبي نفس حجم غرفتي بالضبط قاله الموظف ب900 ريال فيه فرق يا شباب
لحد يقول ماعرف اسأل ولا احد راح يقصر معك
واتمنى من كل شخص قبل يحزم حقائبة للسفر الى دبي او الى موزمبيق
جعل بلادك وشعارها و سمعتها نصب عينك فأنت السفير بلا سفارة والممثل الذي نتمنى ان يمثل البلاد خير تمثيل
بالابتسامة والتعامل الحسن والمشاركة و حتى الهدايا لا يمنع ابدا ان تهدي من يستحق وتعرفه على بلادك
وبالتوفيق لكم جميعا واجازة سعيدة للجميع
حاظر للمساعدة قدر المستطاع واكثر