1. هلا بك عزيزي دارك


2. بالنسبة لاستفساراتك :


3. بخصوص افضل مدينة للدراسة والارخص :


4. بخصوص معهد تبي اعمارهم 23 وتحت :

هلا بك عزيزي دارك

بالنسبة لاستفساراتك :

بخصوص معاهد الكليات المعترفة فيها لدى الوزارة ولاحظ انا قلت معاهد الكليات يعني مو كل المعاهد تجدها في الرابط ادناه ،،، وهالحين يالغالي ماتفيدك المعاهد للانضمام للبعثة ،،، لان بعد القانون الجديد لابد لك من أنهاء مرحلة اللغة سواء في معهد تبع كلية او معهد عادي ،،، اهم شي عقب ماتخلص مرحلة اللغة هذاك الوقت لابد لك من احضار قبول من كلية معترفة .
وهذا هو الرابط عزيزي :
ظˆط²ط§ط±ط© ط§ظ„طھط¹ظ„ظٹظ… ط§ظ„ط¹ط§ظ„ظٹ - ظ†ظٹظˆط²ظٹظ„ظ†ط¯ط§ http://www.mohe.gov.sa/Arabic/recommended/Pages/NewZealandUniversities.aspx
ومثل ماقلت لك الان لايهم المعهد معترف ام لا لان القانون الجديد طبق فبامكانك تدرس في اي معهد اهم شي تخلص اللغة وبعدها لكل حادث حديث .

بخصوص افضل مدينة للدراسة والارخص :

فحقيقة يالغالي لا أعلم بالضبط ماهي افضل مدينة للدراسة ونا وجهة نظري الخاصة أشوف المدينة مالها تأثير كبير بالنسبة للدراسة لان الدراسة تعتمد على الشخص نفسه على كثر اجتهادك ودراستك واختلاطك مع الاجانب كثر ماستفدت وتحسنت لغتك ودراستك ،،، وهي وجهة نظر خاصة .
وبخصوص التكلفة شوف وناخوك اعتقد ان التكاليف متقاربة بين جميع المدن ومافيه فرق كبير في الاسعار ولكن الفرق يالغالي هو عندك مثلا في اوكلاند :
على سبيل المثال عندك اغلب او ثلاث ارباع المعاهد في شارع واحد كبير ورائيسي بأختصار مثل شارع التحلية او الامير عبدالله فيه محلات فخمة وبوفيهات وكلش لكن الاسعار في هذه المنطقة ( داون تاون ) راح تكون بالطبع أغلى من الاسعار خارج الداون تاون فهمتني يالغلا ،،، مثلا عندك كنت اشتري علبة الكولا الصغيرة بدولارين في الداون تاون ،،، لكن عند السكن كنت اشتري كوكا عائلي بدولارين ونصف .
ارجوا انك فهمتني يالغلا .
بخصوص السكن مع عائلة :
بالتاكيد يالغالي تقدر تحدد مواصفات العائلة اللي تبيها هل تريد معهم حيوانات هل تريد عائلة معها اطفال هل تريد عائلة مدخنة وغيره من الشروط .
بخصوص المعاهد اللي مافيها عرب :
فيارجال ماعتقد انك راح تلقى معهد مافيه عرب العرب موجودين في كل المعاهد ولكن يختلفون تجدهم في معاهد كثيرين وفي معاهد شوي فأنت وحظك وبعض المعاهد تستقبل نسب خاصة من جميع البلدان .

بخصوص معهد تبي اعمارهم 23 وتحت :

أبشر وناخوك أنت بس كلم المعهد وقلهم مابيكم تقبلون اي شخص عمره فوق 23 وانتظر ردهم عليك ههه .
وبخصوص التاشيرة وناخوك دامك رايح ثلاث شهور فمايحتاج تاشيرة ماغير ضبط امور المعهد والسكن والاستقبال في المطار ومتى ماوصلت الجمارك النيوزيلندي وقلت لهم ابي ثلاث شهور راح يختمون على جوازك وتدخل والله أعلم ان حصل تغير بالقوانين الان .
ودامك رايح في الصيف الله يعينك اجل انصحك تأجلها لبعد الصيف .
بالتوفيق