الله يسهل امرك .. انتظر اهل الخبرة .. راح يجون يمك ..

اهلا و سهلا اخوي عندك المارينا (مرسى دبي ) حلو مره و انصحكم بزيارته ليلا و هو عباره عن مطاعم و قهاوي و يوجد جلسات داخليه للخصوصيه و جلسات خارجيه عند النافوره الراقصه و عندك ايضا الباص العجيب الى موقعه في برجمان حلو خاصه اذا معك اطفال ايضا انصحك بالعشاء في قرية البوم السياحيه وهي عباره عن سفينه خشبيه عائمه و العشاء على متنها وايضا و انصحك بزيارة مدينة الجميرا و العشاء هناك و زيارة سوقها بالنسبه للموالات عندك مول الامارات فيه سكي دبي (حديقة الثلج) تسوق و ملاهي و سينما و مطاعم و كوفي شوبات كمان مول ابن بطوطه جدا رائع يتميز بديكوراته الغربيه و مول وافي و ستي سنتر بالنسبه للفنادق انصحك فندق جراند حياة و فندق مول اللامارات كمنبسكي و فنادق مدينة الجميرا(القصر و ميناء سلام و دارالمصيف) و اي استفسار اخرى انا حاضره و رحله سعيده باذن الله

ما شاء الله اختي فتاة الخليج..كفيتي ووفيتي..كل الأماكن اللي قلتيها روعة
نتمنى لك رحلة سعيدة Kuwait71

مشكورين اخواني واخواتي على الردود الطيبه والفعاله ..
لكني حاب يكون فيه تفصيل اكثر لأني ما ادل بدبي وراح اجر سياره بصراحه .. فابي الوصف بالضبط على الأقل اسم المكان ووين يكون ..
انزين سؤال فيه مدن ملاهي ؟ فيه مدن مائيه ؟ ان حبيت اروح اخذ البحر ونركب جت سكي وين اي مكان
ومشكورين

السلام عليكم
اخوي لو تذكرنا المنطقة إلي بتسكن فيها، عشان نعرف الأماكن القريبة منك إذا تسمح
ولي عودة للجدول.
وفي دبي لاتحاتي اللوح الإرشادية في كل مكان وشارع، بس لو تطلب الخارطة من المطار أو من محطات البترول أفضل عشان يسهل عليك الطريق.
بعض الأماكن السياحية، شوف الأماكن وإذا حاب نوصفلك اي شي حاظرين
https://artravelers.com/p/re/111008
الوندرلاند العاب مائية + كهربائية بالقرب من جسر القرهود، وفندق جراند حياة بالتحديد أول ماتنزل من جسر القرهود على يمينك.
أيضا الألعاب المائية في حديقة الوايلد وادي بالقرب من برج العرب(جميرا) بس ما انصح فيها الأجانب ماليين المكان وخاصة إن صيف يعني أشكال التسدح
الوندرلاند العابها المائية أقل بس اهدا وتنفع للعوائل
وإذا معكم أطفال ، في شهر 6 بيفتتحون مدينة مدهش ممتعة للأطفال (العاب+مسرحيات للأطفال)
في مركز دبي التجاري، بداية شارع زايد
وهذا رقم خدمة اهلاً دبي إذا حاب تستفسر عن اي مكان سياحي
هاتف: 545555 600 00971

تسلمين اختي على هالتفاعل الطيب وماهو غريب على اعيال زايد الله يرحمه
انا بسكن بشقق فنددقيه الضيافه .. مادري اشرايج فيها ؟ ولا تنصحين بديل انا لقيتها ب 550 غرفتين هذه حدود ميزانيتي بالسكن ..
وبخصوص الأماكن لو مافيها كلافه عليج لو تسوين لي بروجرام بالعناوين بختصار نشوف دبي من خلال عيونج ..
وانا راح ازور دبي باول سبعه تقريبا خمس ايام
ومشكوره

عموما مشكورين على المساعده

لا شكر على واجب