نشر في كوالالمبور

خلاص حجزت في فندق وستن شو رأيكم فيه

ماجلان

29-04-2022 - 02:33 pm

بحمد الله , انهيت حجوزات الرحلة لماليزيا ( جعلها الله رحلة موفقة ) ..

ليلتين في فندق ( صن وي لاغون ) بهدف الراحة من عناء السفر ..
5 ليالي في ( راساسينغ ) بينانغ , للاستجمام والهدوء والانشطة البحرية ..
6 ليالي في ( وستن ) كوالالمبور , بهدف السياحة والتسوق ..
ياليت تخبروني عن فندق ( وستن ) من حيث الموقع ( القرب من الأسواق ) ومستوى الفخامة ؟
ياليت تعطوني رأيكم الكريم في برنامج الرحلة ؟

لكم تحياتي ( ماجلان الاماراتي ) ..

فنادق ماليزيا

التعليقات (9)

أبوغدي

29-04-2022 - 05:08 pm

فندق وستن 100% وخاصة سويت أبو غرفتين روعه وفخامه محصلتش ، ولاتخاف السوق ماور للفندق والله يعين الجيب

ماجلان

29-04-2022 - 06:09 pm

تسلم يا ابو غدى .. على تواصلك الطيب ..
وياليت يالطيب , تعطيني تفاصيل اكثر عن فندق ( وستن ) والاماكن المجاورة له ( مطاعم + اسواق ) ..
وياليت تعطيني برنامج مختصر لكيفية قضاء ال ( 6 ) ايام في كوالالمبور ( انا مع زوجتي وطفلي الصغير ) ..
تحياتي اخوك ( عبدالله الاماراتي )

ماجلان

29-04-2022 - 07:10 pm

في انتظار المزيد من الردود ..

البرنسيسه

29-04-2022 - 08:11 pm

مرحبتين اخوي ورحله وفقه ان شاء الله
با النسبه لفندق ويستن جدا رائع وموقعه اروع يقع في شارع العرب يعني تطلع تمشي للاسواق
على رجولك
وفي 6 الايام هذي تقدر تروح لحديقه الحيوانات وحديقه الفراشات جدا حلوه
وحديقه الطيور وكهوف باتو بس بتتعبون من الدرج
والشلالت --ومرتفعات جنتنق تروح لها با الصباح وترجع العصر وفيها ملاهي علشان تنبسط البنوته
وطبعا التسوق وخاصه السوق الصيني و
وموفق ان شاء الله

ماجلان

29-04-2022 - 09:12 pm

مشكورة يالبرنسيسة , وما قصرتي ..
لكن اذا كان عندج فكرة عن صن واي لاغون , يا ريت تخبريني عنها ؟
تحياتي ..

النظرة الثاقبة

29-04-2022 - 10:13 pm

في حديقة تبعد عن كواللا لمبور تقريبا ساعة والنصف ولكنها تستاهل فيها من العروض الجميلة جدا اذا تريد تروح لها انصحك من الصباح بدري تتفق مع تاكسي يومي وليس بالساعة وافضل ان يكون مسلم لان المسلمين اخلاقهم جد عالية
لاتفرط فيها ترا فيها عروض روعه مثلا تشوف الفيل يسوق سيكل (دراجة) ويلعب كورة قدم ويسويلك مساج (ههه)
اسمها افموزا
النظرة الثاقبة

ماجلان

29-04-2022 - 11:14 pm

شكرا أخي ( النظرة الثاقبة ) على تواصلك الرائع ..

البرنسيسه

30-04-2022 - 12:15 am

مرحبتين اخوي
با النسبه لصن واي لقون جدا رائعه وانا عجبتني لدرجه فضيعه خاصه اذا اخذت غرفه
على الالعاب المائيه وهي عباره عن فندق مره حلو وفخم وفيه جسر موصل بسوق جدا حلو
ويوجد با السوق صاله تزلج والالعاب المائيه وانت با الغرفه تطل عليها يعني لاتفوتك
لازم تروح لها وتشوفها.. وموفق ان شاء الله

fms

30-04-2022 - 01:16 am

فندق وستن جديد واثاثه حلو وافضل من الماريوت
والاماكن الي في كولالمبور
عندهم المناره تتفرج على كولالمبور حلوه بالنهار
جينتنج حلوه يوم كامل من الصبح الى الليل هي منطقه جبليه فيها مجموعه فنادق وفيها العاب وملاهي عاديه جدا.
في حدايق مثل الفراشات والطيور

كوالالمبور المسافرون العرب

خلاص حجزت في فندق وستن شو رأيكم فيه