السلام عليكم
اسعد الله اوقاتكم بكل خير
استفساراتي بسيطه لرحله صيفيه ان شاء الرحمن وتنتظر مجيب منكم واي انتقاد او طرح فكره ستعزز خارطتي لاصل الى القرار السليم بفضل الله ثم بفضلكم
الرحله انا وزوجتي وابني البالغ سنه ونص .. ومن المحتمل اضافة عائله اخرى مكونه من زوجان وطفلان
إليكم التالي
اخطط الى رحله اوربيه ابتداء من ميونخ ونهاية في جنيف .. ومن الممكن ان اكمل الى باريس
لكن خلونا في البدايه
A:ميونخ, ألمانيا
B:سالزبورغ, النمسا
C:زيلامسي, النمسا
D:زيورخ, سويسرا
E:إنترلاكن, سويسرا
F:أنسي,فرنسا
G:جنيف والعوده للديار او اكنسل جنيف واكمل الى باريس
وايضا محتار بين انسي وديفون
هل القرار يبيله شوية وقت على ما اتخذه لكن البداية هي المهمه علشان اقدر اقرر باقي البحث
وسيلة التنقل سياره
1- أسالتي لكم : هل تقترحون الغاء بعض المناطق ..؟
او اضافة بعض المناطق ..؟
الرحله عباره 21 يوم .. يعني اعتبروها يوم رايح ويوم راد يصفالي 19 يوم
ماودي اكثر مناطق لهدف واحد .. وهو الجيك ان والجيك اوت
ومنها استغل افضل الاماكن والاستمتاع بالطبيعه الخلابه
لكن ماودي اطوف مناطق تستحق الزياره
ماهي عدد الايام المقترحه ؟ ولاتنسون ممكن اضيف باريس 4 ايام
يعني الي اقصده
مثلا : انترلاكن يفضل الجلوس فيها مابين 4 الى 6 ايام .. هذا الي ابيه علشان احدد الايام
معليش طولت عليكم بأسألتي لكن تحلوني وانا واثق منكم
انتظر ردودكم اعزائي
تحياتي لكم