الأخ msalq
نصيحتي لك ولن تندم عليها إن شاء الله ، دام إنك من جده ، فلا تفكر في غيرها وبس " الخطوط السعوديه " وحتى لو سعرها غالي شوي لكن الراحه في السفر ضروريه وبعدها تجي " الخطوط المغربيه " و الأولى أفضل وشوف وقت الرحله فقط 6 ساعات و 25 دقيقه. والله مدة الرحله لوحده ينشرى بالذهب ، وترى للمعلوميه فرق السعوديه على الإماراتيه من جده تقريبا من 300- 400 ريال ولا يسوى تعبك ، والإنتظار في المطارات ، وخط السفر الواحد مباشر أفضل في أي سفره مهما كان سعره..... فأعقدها وتوكل ولن تندم ، وإلا إنت حر لك ما تختار.......
وتقبل تحياتي
المسافر

الله يجزاءك بالخير يالمسافر , واللي ما حصل علي السعودية . تنصحه بالمغربية , وهل مأمونة ومواعيدها أوكيه ..........

الخطوط المغربية عادية يعني لاتتوقع انك تركب الخطوط السويسرية او الأماراتية بس فيها ميزة وهي دايركت على المغرب وبخصوص مامونة فهذا شيئ بيد الله سبحانة وتعالى يعني لاتدري نفس باي ارض تموت .
اما انك تروح من جدة لدبي ثم لكازا رحلة متعبة لك بس لو تبي تجلس بدبي يومين مايخالف يعني تمشية هنا وهناك .

مثل ماقالوا الإخوان زمن الرحله وبدون ترانزيت يستحق فرق السعر
وياليت عندنا بالكويت خط لكازا من زمان موقفينه ونضطر للسفر عن طريق دول الخليج دبي أو الدوحه أو المنامه
والأفضل الدوحه لأن التوقف فيها ساعه بس

مشكورين وما قصرتوا لجميع الأخوان .