همسة احساس
02-04-2022 - 06:30 pm
بسم الله الرحمن الرحيم
السلام عليكم ورحمة الله وبركاته. أود ان اقدم جزيل الشكر لمشرفين الموقع خاصه ولاعضاءه عامه.على كل اراءكم وجهودكم التي قدمتوها..
عندي بعض الاستفسارات البسيطه اللي ان شالله انكم بتجاوبوني عليها..
اول شي هل المكتب السياحي( الطيار) له فروع بكل مكان في المملكه يعني بأبها مثلا؟؟؟؟(او اي مكتب من المكاتب المضمونه)
(ناويين نحجز عليه من كلامكم عنه) مع انا كنا ناوين نحجز على المكاتب اللي داخل مكتب الخطوط (ماادري هو اسمه المكتب السعودي ؟؟؟ولا وش اسمه)المهم
انه الزمنا بفنادق معينه يعني مو احنا اللي نختار..وش رايكم بذا الموضوع؟؟؟
ثانيا.احنا مسافرين بشهر اكتوبر(بعيد الفطر)وسؤالي هو هل ننتظر الين تخلص اجازة العيد وتبداء الدوامات..بعدين نسافر؟؟؟والعيد عندهم كم يوم اجازه؟؟مثلنا والا غير؟؟؟؟واجازاتهم الرسميه يوم اش واش؟؟؟(لاني اتوقع اسعار الفنادق بتكون ارخص في الايام العاديه عنها في المواسم؟؟؟وش رايكم بالفكره؟؟
ثالثا:احنا ناويين نحجز في بداية الصيفيه او منتصفها وسؤالي هو هل نلحق على التخفيظ اللي منزلينه الخطوط من مطار الملك فهد بالدمام ؟؟؟؟اللي تكلموا عنه الاخوان بالمنتدى وسعره1800
والا اصلا هو للي بيحجزون في الصيف..
رابعا:التخطيط المبدئي للرحله..السفر على الخطوط السعوديه.
المده 10 ايام اقصى حد
رحلة(شهر عسل)شخصين طبعا
المدن كوالالمبور ولنكاوي
الفنادق يومين الخيول الذهبيه
4 ايام لنكاوي(باقي ماقررنا محتارين بالنسبه للفنادق)وش تنصحونا؟؟
يومين الصن واي لاقون
ويومين شارع العرب(بالمندرين او الويستن)
وبعدين العوده لارض الوطن.
وش رايكم بالخطه المبدئيه.؟؟افيدوني ولكل من افادني دعوه من القلب.
أهلين اختي .
اولاً .. نصيحة لا تحجزن من مكتب الطيار لسببين الأول انه وكما سمعت غالي جداً .. السبب الثاني وقت رحلتكم حتكون في العيد .. وفي هذا الوقت ما فيه زحمه .
ثانياً .. بالنسبة للعيد فأعياد المسلمين يا اختي كلها في وقت واحد وإن كان هناك اختلاف على رؤية الهلال فلن يتعدى يوم واحد بالكثير .
ثانياً .. بالنسبة للدراسة في ماليزيا .. فلا اعلم عن وقت اجازتهم .. لكن اعتقد ان في العيد فيه اجازه مثل عندنا ... وانا لما سافرت العام في الصيف كان فيه ناس اشوفهم ياخذون اطفالهم من المدرسة .
رابعاً .. اذا تبين نصيحتي لا تحجزون الوقت هذا ولا تحجزن في الصيف لان الوقت بدري عليه كثير .
خامساً .. بالنسبة للتخفيض في الطيران .. فكما هو معلوم ان اسعار التذكرة لماليزيا ما تغلى إلى وقت الصيف .. اما في بقية الموسم فاعتقد ان سعرها اقل بكثير من وقت الصيف .
وعلى هذا يمكن ما يجي ذاك الوقت إلا وتلاقون السعر نزل كثير .. فلا تستعجلون اختي .. وافضل لكم ان تحجزون في بداية رمضان .
سادساً .. بالنسبة للمكتب الذي تقولين عنه ان الزمكم بفنادق معينه .. فهذا دليل على ان المكتب نصاب .
فلا تحجزون من عنده .
سابعاً .. سفركم باقي عليه وقت طويل .. وما انصحك تضعين اي برنامج .. لانه ما تدرين يمكن تختارين فنادق بعدين تندمين ( ترى سمعة الفنادق تتغير من وقت لوقت ) انتظري حتى تشوفين تقارير الاعضاء الي بيسافرون في الصيفية هذه وتشوفين افضل المكاتب بناء على تجارب الاعضاء ( والمنتدى مفتوح طوال العام )اخيراً .. اراك مستعجلة اختي .. وخيرا لك ان تجعلي ( لكل حادث حديث )
اخوك
الماهري