بسم الله الرحمن الرحيم
والصلاة والسلام على سيدا ونبينا وحبيبنا محمد وعلى اله وصحبه اجمعين , ابوبكر وعمر وعثمان وعلي ومن تبعهم باحسان الى يوم الدين اما بعد < كيف المقدمة
رمضان مبارك ولو انها متاخرة شوي , متاخرة كثير بعد
الموضوع هذا بيساعد الكثير منكم في مشكلة المواصلات في كيب تاون وخدمة حلوة مررة وعملية ونظيفة ورخيصة
س/ ماهو الmy citi ؟
سلمكم الله هذي شركة باصات ونقل مخدمة (أغلبية كيب تاون ) وبالمستقبل القريب بتخدم كيب تاون وبرا كيب تاون إن شاء الله تعالى
طبعا اللي يجون من برا كيب تاون وخصوصا الطلاب بيحتاجون هذا الباص لانه نظيف انظف من اي وسيلة اخرى وارخص وغالباً ما يكون دقيق بالمواعيد
كيف تدخل هذا العالم من المواصلات ؟
اول شي سلمكم الله اول ما توصل للمطار تسأل اي واحد
Excuse me , where do I get my citi card ?
لو سمحت من وين احصل بطاقة الماي سيتي ؟
رح يدلونك على المكان ولما تروح عند الكاشير لازم تنتبه
1-سعر البطاقة 25 راند ويعطونك ايصال عليها , الايصال خليه معك لانك قبل ما تسافر ترجعلهم البطاقة ومعها الايصال يرجعونلك ال25 راند
2- البطاقة اول ما تشتريها يسالونك تبي نقاط ولا فلوس ؟ طبعا لك وحدة مميزات وسيئات
لو اخترت نقاط رح تستخدم البطاقة كبطاقة تنقل فقط ما رح تقدر تدفع عن طريقها بس بتكون ارخص بالتنقل بنسبة 20 %
لو اخترت فلوس رح تقدر تدفع عن طريقها بس رح تكون اغلى بالتنقل
أنا شخصياً اخترت النقاط لاني ما استخدم الصرافات هنا
'طبعاً يا احبائي هذي هي بطاقة الماي سيتي
لما تشتريها من المطار تساله وين الموقع اللي يجي عليه الباص
طبعا قبل ما تدخل الموقف فيه جهاز قدامك
تلصق فيه البطاقة على طول اليا يسحب منك فلوس ويفتحلك البوابة وتخش وتتسكر البوابة
المهم لازم تنتظر الين يجيك الباص
الباص رح يوديك للسيفيك سنتر اللي هي المركز حق الماي سيتي باص وهناك اذا كان بيتك قريب تقدر تسجل الخروج من المحطة وعلى طول تروح بيتك واذا كان بعيد تاخذ الباص اللي يوديك لذاك الحي وتسجل الخروج هناك
خلصنا من المطار
طيب يا سلطان انا ساكن بكيب تاون وبستخدم هذا الباص وش اسوي ؟
حلو حلو خليكم معي
هذي الاماكن اللي واصلها الماي سيتي
http://www.myciti.org.za/en/routes/interactive-routes/
طيب انا كيف استخدم الباص هذا ؟
لنفترض انك ساكن في قريب من محطة سيكشن section
وتبي تروح لمحطة وود بردج woodbridge
تروح للموقف حق محطة سكشن وتستنى الباص والموقف رح يكون بهالشكل
هذا المستطيل اللي بالوسط يوضحلك الخريطة والوقت اللي يمشي عليهن الباص
انت لازم تعرف اذا انت متجه للمحطة الرئيسية او عكس المحطة الرئيسية وكل ماهو عليك تروح للجهة الثانية من الشارع ورح تحصل موقف قريب
المهم اول ما تركب الباص رح تحصل زي الجهازي واحد مكتوب عليه IN وواحد مكتوب عليه out
اول ما تدخل تحط البطاقة حقك عند المكتوب عليها IN وتلقائيا يسجل الدخول ويسحب منك فلوس ( حوالي 4 راند وشغلة اجار الرحلة ) وعلى كل عشرة كيلو يمكن راند زيادة (سعر مررة كويس )
ولما توصل للنقطة اللي انت تبيها ( لو كانت على طريقة تقدر تضغط تسجيل الخروج وتخرج بس لو كانت بمنطقة ثانية تروح للمحطة الرئيسية والمحطة الرئيسية توديك لمها )
طبعا هذي الاجهزة اللي تسجل منها الدخول والخروج
لا دخلت تحط بطاقتك على الإن ولا طلعت تحطها عالآوت
تنبيه ! : لو رح تنزل من الباص عالمحطة الرئيسية سواء المحطة الرئيسية هي اخر محطة او انك بتروح وجهة ثانية لا تسجل الخروج من الباص , تسجيل الخروج من البوابة اللي برا
مميزات الباص :
1- آمن لانه مراقب بكاميرات من المحطة الرئيسية .
2- نظيف وممنوع الاكل والشرب فيه ورمي النفايات
3- ما تحتاج تشيل فلوس وصرف
عيوب :
1- يشتغل حوالي الساعة 6 الصباح ويوقف حوالي 9 ونص بالليل
2- للان ما خدم كل مناطق كيب تاون (شغالين عليه للان لان توه جديد )
3- بعض الاحيان يتاخر وكذا
اعذورني عالانقطاع بس مرت شوية ظروف وكذا
اي استفسارات انا حاضر وتحت أمركم
أخوكم
سلطان الدليمي