السلام عليكم ورحمة الله
اخوي ابو عاصم بصراحه تابعت كل موضوع ورد يتعلق في معرفك واستفدت كثير
ولجل لا اكون جاحد اشكر الاخ عميد العرب المسافرون و الاخت sheriok كان لهم الفضل بعد الله في حماسي للسفر لتركيا
لكن للأمانه تغيير الجدول وعدم استقراري على رأي محدد خلاني اتوتر واتنرفز بصراحه
مالك في الطويله
تاريخ سفري بإذن الله 25 مايو والعوده 7 يونيو
راح اوصل اسطنبول اذا ربنا اراد الساعه 20:45
حجزت حجز مبدئي الساعه 00:30 من اسطنبول على طربزون في نفس يوم الوصول
رتبت جدولي على هذا النحو :
4 ايام اوزنقول
8 ايام اسطنبول ومنها ازور يالوا وبورصه السكن راح يكون في السلطان احمد فور الوصول الى اسطنبول وتم الاتفاق ع المبلغ 70 يورو لليله وكان الفندق توصية الاخ عميد العرب
والليلتين الاخير راح تكون في تقسيم في فندق Fros
اولا ابغى تعليقك على المخطط المبدئي
ثانيا هل السفر لا اوزنقول في الليل امان يعني تقريبا راح اوصل طربزون الساعه 2:30 الفجر
اذا كان امان البصات اللي توصل اوزنقول متوفره في هذا الوقت ...
وترى ماعندي مشكله اذا فيها تعب لاني بصراحه مالي خاطر انزل على اسطنبول يومين وارجع اطلع المطار واطلع ترابزون مره ثانيه وارجع اسطنبول بعدين صرفده
فا استقريت على كذا واحتاج مساعدتك ...
اخيرا راح اجلس في اوزنقول 4 ايام يعني ابغى اسكن فيها وازور المناطق اللي حولها
شفت فندق انان والانصار وايجون على ما اعتقد وش رأيك وايش تنصحني فيه واذا بتصل عليهم يتكلمون انجلش ولا لا واذا قلي ارسل رقم الفيزا ولا لا
يعني ياليت تزبطني
ولك جزيل الشكر