وعليكم السلام ورحمة الله وبركاته ...
يا مرحبابك ياسيدي
من جنتنغ لافاموزا حق 220 كم ...اقل او اكثر المهم في هذه الحدود .
من كوالا لافاموزا حق 150-160 كم ... في هذه الحدود .
شيء تقريبي ...
اما من فين افضل ... حسب برنامجك ... ماني عارف ترتيب رحلتك
فما اقدر اقول لك من فين افضل .. وان كنت رايح وراح ترجع في
نفس اليوم اجل من كوالا افضل لقرب المسافة والطريق مافيها لفلفة
ولا غيره ... موفق بأذن الله ورحلة سعيدة والسلام عليكم

اخي الشعيبي وفقك الله وشاكر لمساعدتك.
اما برنامجي هو:-
خمسة ايام بينانق ( محطه اولى )
ثلاث ايام لنكاوي ( محطه ثانيه )
اربع ايام كوالا ( محطه ثالثه )
يوم واحد جنتنق ( محطه رابعه )
يومين افاموزا ( محطه خامسه )
(خمسة عشر يوم فقط )
وبعدها الرجوع الى البلد الحبيب.
آمل منك ياخوي الشعيبي ومن جميع الاخوان مساعدتي واعطائي رايكم في هذا البرنامج .
علماً ان الاطفال معي وعددهم اربعة من سن 12 الى 6 سنوات
وهل افضل احجز من الآن لإن سفري ان شاء الله تقريباً 20 /5/1426ه.
ومارايح ننساكم من دعواتنا الصادقه .
ودمتم,,,,,,,

وينك ياخي ياشعيبي وينكم ياجماعه تراي على احر من الجمر ابغى رايكم .
وبعدين اذا صرت خبير وعندي خبره زيكم بفيد المنتدى كثير.

يا مرحبابك اخوي انتر كوم وغالي يا سيدي
ودي اعرف ليالي ولا ايام لانها تفرق ...
يعني 5 ايام في بينانغ ولا 5ليالي ... لانه 5 ايام يعني 4 ليالي
نقول انها ليالي طيب ....
5 ليالي بينانغ ....3 ليالي لنكاوي ... 4 ليالي كوالا
1 ليلة جنتنغ ....2 ليلة افاموزا
توزيعك للايام حلوة ... بس يا ليت تخلي كوالا 5 ليالي
وبينانغ 4 ليالي ... هذا رأيي الله يسلمك
ونتمنى نشوف اراء الكرام الله يسلمهم وما نستغني
نجي للترتيب ... طبعاً طيران لأنك حاط كوالا بعد لنكاوي ..
ليه ما تخلي الختام في كوالا ... منها ان بغيتم تقضون وتشترون
هدايا لا تحملون عفوشكم معاكم ومنها اخر الايام بماليزيا
واختموها بمسك ... والله انها ماهي بمسك
رأيي ...
بينانغ ---- لنكاوي ... نزول بمطار كوالا والتوجه لأفاموزا
لقضاء الليلتين وبعدها تتوجهون لجنتنغ ليلة وبعدها تختموها
بكوالا .... الايام الاخيرة تعتبر متعة للاطفال الله يسعدهم ويبارك لك
فيهم وتفرح بهم
افاموزا قريبة نوعاً ما من المطار... تعدون نقري سمبيلان وتوصلون
بأذن الله بالسلامة ... وجنتنغ تراها قريبة من كوالا واقل من ساعة
وانت واصلين .... وبكوالا ايضاً راح تلاقي ملاهي الاطفال
اما الحجز ... ناس ينصحوا انه تصير الحجوزات بعد مؤتمر دبي
يعني شهر 5 افرنجي يعني على الشهر الجاي ... والله عن نفسي
احجز بدري واريح نفسي ...انت امسكها من الوسط واحجز
بشهر ربيع ثاني ... تلقى الناس مشغولة بالاختبارات وانت على
مهلك خلص امورك ... موفق بأذن الله تعالى وسهل الله امورك
ورحلة سعيدة بأذن الله والسلام عليكم

الغالي الشعيبي
بارك الله فيك وجزاك الله خير
رايك هذا راح استفيد منه كثير كثير .
ولن انساك من الدعاء.
تحياتي ,,,,,,,