شوفي أختي مزون
انا ماجربت هذه الفنادق
لكن الاخير من اسمه انه في التقسيم
وهي المنطقة الجميلة والحيوية
لكن نصيحتي اذا فكرتي تسكني في التقسيم اسكني في فندق لارس بارك أو بونت
من رائي انهم أفضل فنادق التقسيم ذات الاربع نجوم
تحيتي

اهلين اخوي ..
و مشكور على ردك ..
ان شاء الله بشوف هالفندقين اذا يناسبوني ..

مرحبا أختي
قبل كل شيء أنا مو خبيرة لكن أتمنى أفيدك
أختي أعرفم كلهم باستثناء الثاني وهم في تقسيم
ايرزن يقع في مجمع الفناق بتقسيم وأفضل هذه الفنادق لاريس بارك ممتاز بجد (مكيف مع العلم أن معظم فنادق 4* بتقسيم تغلق المكيفات نهارا ، نظيف جدا ، الفطور ممتاز ، عيب غرفه يغلب عليها الصغر مثل أغلب فنادق تقسيم وتلافي هذا العيب بالحجز بالطوابق العليا )
تقسيم سكوير أعتقد أنه مقابل الميدان مباشرة صراحة شاكة بينه وبين جراند هاليك
ريتشموند ممتاز عيبه يقع بشارع الاستقلال مباشرة ( على السوق دايركت مب ميزة لأن الشارع مزدحم باستمرار و نهاية اليوم بيكون الشارع متسخ أعزك الله وممكن تتغاضين عن هالعيب )
رأيي لك : لاريس بارك ( بالرغم أنه مو بالاختيارات ) ، يليه ريتشموند ثم تقسيم سكوير ( موقعه أفضل من ريتشموند لكن غرفه أصغر )
موفقة أختي

هلا أخت مزون:36_1_39:
بصراحة أنا ما جربت ولا واحد فيهم
بس جربت فندق بولات رينا يسانس ( خمس نجوم )
فندق رائع لأبعد الحدود أنا أنصحك فيه من مميزاته
قربه من المطار
إطلالته الرائعة على البحر
فخامة
وهذي صور للفندق

إطلالة الفندق

دمت بكل الود :36_3_15:

هلا بك عزيزتي
ماشاء الله عليك الا خبيره و منوره البوابه دائماً
يعني عزيزتي اتفقتي مع اخوي اخو اسامه على فندق لاريس بارك ..
شكلي بتكل على الله و احجز فيه ..
ما قصرتوا .. الله يوفقكم

الفندق شكله رائع جداً .. بس انا ابي قريب من تقسيم ..
ما قصرت اخوي .. الله يجزاك خير

تعاون رائع بين اعضاء تركياء
اخواني واخواتي طيب ايش رايكم بفندق جراند ترابيا انا اعرف انه مطل على البسيفور
بس ودي اعرف كم يبعد عن منطقة تقسيم؟ وكم اسعاره؟
كمان شفت في احد المنتديات صور فندق مره اعجبتني الفندق بالقرب من قصر محمد الفاتح بس ماادري ايش اسمه
احد ممكن يفيدنا

مززن
أنا مارحت تركيا
بس قاعد أرتب حق رحلة مقترحة في الصيف
وبعد بحثي .. لقيت ان هذي يمكن تكون أفضل الفنادق في تقسيم:
Ceylan Intercontinental Hotel
Divan Hotel
Central Palace Hotel
Hyatt Regency
Lares Park Hotel
Ritz Carlton Hotel
The Marmara Hotel
The Marmara Pera
The Sofa Hotel & Residences
لاني مارحت فما أعرف مدى بعدهم عن المنطقة ..
بس حبيت أفيدج باللي عندي

اهلين اخوي ذا ووتشر ..
ان شاء الله سفره سعيده ..
بعد قرائتي للمواضيع في القسم .. لقين ان الكل متفق على لاريس بارك .. و مرمره ..
و انا شكلي بحجز في لاريس بارك لاني مابي فندق غالي ..
موفق ان شاء الله