السلام عليكم
هلا وغلا بأهل لندن
ياجماعه الرجال افتلت :8888:
عليك بالعافيه الغالي
اتروحون محطة فكتوريا ومن هناك تاخذون قطار دايركت إلى برايتون ..
مدة الرحله حوالي ساعه وثلث ..
واول ماتوصلون هناك وتطلعون من المحطه كمل مشي لين نهاية الشارع وراح اتشوف منظر البحر وللامانه اذكر يوم شفته حسيت برهبه ..
قبل ماتوصل نهاية الشارع فيه مجمع على ايدك اليمين صغير ..ادخلوا فيه اخذوا لفه وبعدها اطلعوا على البحر واقعدوا في الكوفي شبات الي مقابله للبحر وعليكم بمطعم تشيبس اند فيش :8888:

الله يعطيك العافيه اخوي القطري بجد انت مالك حل وربي ردك على قولهم يبرد القلب
روح ياشيخ ربي يسهلها عليك دنيا واخره

الله يعطيك العافيه انا رحلتي بعد اسبوع وجالس اسجل الاماكن الي بروحلها البرايتون اخوي القطري بشرب عنك الكفي الا يطالي

المسافه من ساعه الى ساعه وثلث حسب وقفات القطار
اهم معالم برايتون فيه السوق اللي بنصف برايتون والساحه اللي اسمها تشرشل سكوير
وفيه عندك الشاطي روعه ويوجد مدينة ملاهي متواضعه قائمه على الشاطئ.
وبامكانك الذهاب الى منطقة المارينابالباص-اتوقع سعر التذكره ليوم واحد هناك ب3 باوند- رقم الباص على ما اعتقد 1 و6 منطقة هادئه وفيها منطقة العاب الكترونيه وبولينق وتوجد منطقة على المارينا مطله على اليخوت فيها محلات كوفي لا تفوتك وخاصه بعد العصر.
وحنا بالخدمة

السلام عليكم
هل استطيع زيارتها في نهاية شهر 4 او بداية شهر 5 ؟؟
اما انها مناسبة فقط في الصيف؟؟

يعتبر شهر 4 نهاية البرد
وتتحسن فيه درجات الحراره وخاصه شهر 5
توكلوا على الله

كفيتو و وفيتو
يعطيكم العافيه
بس لا تنسى زيارة القلعه المشهوره في برايتون بصراحه شكلها فضيع
تشبه قلعة سندباد

شكرا للجميع الف شكر اخوي زيزو

اخوي الباص اللي يوديك لم المارينا رقمه 7 اللي فيه ازدا وبعض المحلات ^_^
وطريق الباص من محطة برايتون رايح جاي للمارينا
فيه البرايتون بير Brighton Pier اللي فيه ملاهي صغير والعاب الكترونيه وبعض الكوشكات من المطاعم السريعه
فيه بعض الحدائق الحلوة والكبيره مثل الهوف بارك Hove Park
وفيه البافليون متحف The royal pavilion رائع ومبنى مشابه لمبنى تاج محل
وفيه شارع ال West street فيه محل العاب الكترونيات حلو تقريباً مكانه بالوسط يسار وانت(وجهك بتجاه البحر)
وقبل نهاية الشارع برضوا يسار فيه مطعم بوفيه مفتوح حلو الشخص الواحد ب 11 باوند على ما أظن
ويوم الأحد ب 7 باوند
نفس الشارع هذا نهايته إذا صار ظهرك للبحر بالعكس ^_^ قبل نهاية الشارع بتشوف مطعم ايراني على اليمين حلوو وكبسة حلوة وبنهاية الشارع بتشوف الساعه تروح يمين او يسار كله محلات واسواق
يمين بعد ما تمشي مسافة قصيرة بتشوف مطعم هندي ناسي اسمه البوفيه عنده ب 6 باوند حلو