نشر في باريس

خبراء باريس اسئلة محيرة

غنوة

14-09-2022 - 08:21 pm

السلام عليكم
اخواني انا ابي فزعتكم صراحه
لان السفر يوم السبت هذا يعني ما بقى الا جم يوم 30/5
والعودة 9/6
المهم انا وريلي بنروح باريس والفندق اسمه
Suitehotel Paris Porte de Montreuil
Tel : (+33)1/49938888 | 22 Avenue du professeur lemierre - 75020 PARIS / Access
هذا الاسم والعنوان ..
الحين أسئلتي ..
شلون لما اطلع من المطار اروح للفندق ؟ ( ابي طريقه رخيصه )
وبعدين ابي اعرف شلون استخدم القطااراات
وبعدين ابي اعرف وين ارووح ؟ ابي اطلع من باريس مثلا الصبح وارجع بالليل يعني ما انام خارج باريس اتم فيها بس اطلع وارجع مره ثانية
لا تقولون لي العاب وديزني .. لاننا احنا الاثنين نخاف من الالعاب
ابي طرق التنقل هناك شلون ؟ ابي الرخيص منها
وين نروح نستانس ..
والاكل شلون ؟
انا اسمع الاغلبية ياخذون الجبن و المعلبات معاهم . وياكلون هناك ريوق وعشا
بالنسبة للغدا في هناك دجاج مذبوح حلال !!
الاقي في السوبرماركت دجاج او لحم حلال ؟
ادري اسئلة كثيرة بس صج صج محتاجه للرد السريع بارك الله فيكم
واذا في اشياء غفلت عن اني اسألها بليز نوروني
والاهم من هذا كله الجو شلون نثقل اللبس وله عادي ؟ جم درجات الحراره

التعليقات (9)

zizo's

14-09-2022 - 11:29 pm

بالنسبة للاكلات في سوبرماركت على الشانزليزيه قدام مطعم كويك على زاويه بس السوبرماركت في القبو هو السوبرماركت انصحك بمنتجات شركه يورو ....
اما المطاعم العربية تبيع لحم حلال في محل يبيع مأكولات لبنانيه نوعا ما رخيص مكانه شوي يبيله شرح
شوفي خلي سواتش اللي على الشانزلزيه لفي منه يمين و خلي سواتش على يمينك و امشي على طول بيجي مطعم مغربي على يمينك اما المطعم اللي اقصده يجي على يسارك بس تراه صغير ياعني تيك اوي .

اما التنقل سكنت في الشانزلزيه ما احتج مواصلات الا باصات كم مره .... يمكن الباصات اسهل و ارخص طريقه للتنقل ....
اذا كنت تحتاجين اوتيل رخيص في ARC elyseehotel بلفت الشانزلزيه لفت سواتش صغير لكن حلو انه قريب من الشانز سعره كان حلو تقريبا 600 ريال اتوقع الحين ارخص لاني هذا السعر كان في شهر اوغست

http://www.hotelarcelysees.com/
في هوتيل ثاني كمان في لفت سواتش و اقرب للشانز اسمه may flower
http://www.escapade-paris.com/en/hotel/detail.php?lang=en&rub=hotel&id=6
بس الهوتيلات هذي 3 نجوم بس والله نظيفه و قريبه للشانز
اي استفسار انا حاضره

غنوة

15-09-2022 - 12:30 am

زيزو
انا حجزت الفندق خلااص وكل شي تمام
وكتبت اسم الفندق والعنوان
عشان تعلموني لما اطلع من المطار شلوون اوصل للمطار ؟؟؟

أم سيف76

15-09-2022 - 01:31 am

غنوة
هلا اختي الغالية
السكن ماعندي اي خلفيه عن نظافتة بس شكلكمتبون الهدوء وبعيد حييل عن الشانز يمكن دزني اقرب من الشانز بالنسبة لكم
اقرب محطة مترو عندك راح تكون robesperrei

والحلو جنبك على طول سوبرماركت auchan

وهذا راح تحصلين فيه هبرجر حلال ناجتس واجد اشياء حصلناها مكتوب عليها بالعربي حلال
نجي كيف تنتقلين من المطار الى الفندق بصراحة اما تكسي ب40 يورو او مترو ب8 يورو للشخصين
المترو موجود في مطار شارديغول وتركبين المترو B لين توصلين جاردينورد تنزلين من المترو وتركبين المترو البرتقالي رقم 5 بعدها تنزلين منه عند محطة REPUBLIQUE وتركبين الخط الاصفر او المحاحي رقم 9 لحد ما يوصلك عند محطة الفندق الي هي robesperrei

وهذا موضوع كامل اقرية على رواقة وان شاء الله تعرفين كيف تركبين المترو تراه سهل على الطبيعه
https://artravelers.com/p/re/121027
من ناحية ارخص طريقة للتنقل هي المترو واخذي لك الي مدتها 10 ايام
من ناحية الاماكن البعيدة راح اضيفها لك بعد اشوي ان شاء بس ابي ارتب لك اماكن جديدة غير المعتاد عليها

nojoud

15-09-2022 - 02:32 am

اختي احسن شي تطلعين من المطار و تاخذين تاكسي بيكلفك حدود 50 يورو وبتلاقين ناس في المطار يسالونك تبن تاكسي؟؟الافضل انك تبعدين عنهم,,المهم,,الحين بقولك ليش الافضل تاكسي:

لانه بيوصلك لباب الفندق اذا اخذتي مترو بتحوسون وين الاوتيل من محطة المترو اللي وصلتوا لها.
لاتنسين بيكون معاك شنط و عفش بتنبلشين في شيلهم اذا اخذتي مترو او باص وبرضه ماراح ينزلكم اعند الاوتيل اللي بيخليكم تدورون على الاوتيل

هذا رايي و عساني قدرت افيدك ان شالله رحله موفقه

أم سيف76

15-09-2022 - 03:33 am

تقدرين تزورين مدينة من مدن القرون الوسطى الشهيرة بمعاركة وقلاعها وهذه احدن المدن الفرنسية
موقعها من قوقل ماب
http://maps.google.com/maps?f=q&source=s_q&hl=ar&geocode=&q=Provins&sll=48.828566,2.081909&sspn=0.645498,1.100006&ie=UTF8&ll=48.843028,2.351074&spn=1.290629,2.200012&z=9
وهي مدينة provins

طبعا الغرض من الرحلة هو مشاهدة الطبيعة معا القلاع والحصون القديمة

أم سيف76

15-09-2022 - 04:34 am

المدينة الثانية او الجزيرة الرائعه وهي جزيرة mont saint-michel
وهي عبارة عن جبل كبير رائع وسط البحر وفي قمته قلعة رائعه ارتفاع الجبل تقريب 84 متر
فيه تور ياخذكم يوم كامل ب158 يورو للشخص معا الغدا
http://maps.google.com/maps?f=q&source=s_q&hl=ar&geocode=&q=mont+saint+michel&sll=48.654459,-1.980286&sspn=0.154903,0.275002&ie=UTF8&ll=48.635745,-1.51062&spn=1.239652,2.200012&z=9

أم سيف76

15-09-2022 - 05:35 am

وبيوم تقدرين تروحين فيها بلجيكا وترجعين وكذلك لندن اذا عندك الفيزا البريطانية
ومرة رحت هولندا بيوم ورجعت بس تعبت سباق مارثون لان مشكلتي ما يعجبني الا c&a الي في هولندا مادري ليش
وفيه مناطق كثيرة ممكن تزورينها مثل بيت الرسام كلاود مونية في قرية اسمها جفرني giverny
قرية رائعه والطبيعه تهبل فيها

أم سيف76

15-09-2022 - 06:36 am

وفيه مدينة فرنسية قبل بلجيكا اسمها ليل حلوة وفيها مول كبير
وتعتر رابع اكبر مدن فرنسا

أم سيف76

15-09-2022 - 07:37 am

طبعا هذي بعض المدن الي ممكن تروحين لها بيوم وترجعين يعني تبعد عنك بالكثير ساعتين
وان شاء الله تروحين وترجعين بالسلامة

باريس المسافرون العرب

خبراء باريس اسئلة محيرة