7 ايام باريس
4 ايام بروكسل وبروج ومن ثم امستردام

اتفق مع الغالي فيصل ...

بالنسبه لباريس اذا ودك نرتب لك جدول احنا بالخدمه

اختي لندنيه 2011 اكيد ماراح استغني عنكم ابي جدول لباريس وبروكسل ماعرف عنها شي وراح يكون معاي بالرحلة زوجتي وبناتي 5 سنوات و3 سنوات

وهل يدققون في الاوتيلات على الاطفال يعني لازم احجز لهم والا في نفس الغرفة عادي

يدققون يا غالي راسل الفندق وخذ الاوكيه منهم من قبل

راح ارتب لك اسبوع في باريس :
اول يوم الباص السياحي والنزول والفطور في الشانز والتجول فيه والمساء يعمي ع الساعه 4 ايفل ورحله نهريه والتجول في ساحه مارس
ثاني يوم المتحف العلمي للاطفال والمساء اللاديفانص
رابع يوم الكنكورد ثم حديقه تويلري ثم اللوفر جنب بعض كلها وبالليل العشاء بالحي اللاتيني في مطعم مهراجا
خامس يوم حديقه لوكسمبورغ والمساء هضبه مونمارت
سادس يوم الاوبرا وزياره غاليري لافييت والتسوق بالمنطقه
اخر يوم ممكن يكون ديزني للكتاكيت

بما ان معك اطفال استخدم الباص لان المنرو سلالم متعبه والتنقل مع الاطفال مزعج شوي
اما التسوق عشان المدام منطقه الاوبرا وانت بالمحطه تشوف خريطه للمنطقه فيها كل شوارع الاوبرا وكلها تجاريه مثل هوسمان و سانت هونور و رويال و ريفولي .... الخ
ومول غاليري لافييت كبير جدا
والشانز فيه شارعين مهمين للتسوق بين بوتيم لوي فيتون ومقهي الفوكيت شارع هذا الشارع اسمو جورج سانك يعني جورج الخامس انزل لاخره مشي بالاقدام شارع الماركات افينيو مونتين من اعرق شوارع باريس

مشكورة كفيتي ووفيتي الان جدول باريس جاهز راح اعتمده لكن ودي اسكن بمنطقة chosse يوم او يومين لاانها قريبه من ديزني على حسب ماسمعت وللاسترخاء بعد وش رايك؟ وايش الفنادق اللي ترشحون لي هناك او في باريس ويكون سعرها معقول شامل الفطور
وياليت احد يخبرني عن بروكسل ..........