أبوعمر العجمي
27-01-2022 - 04:39 pm
السلام عليكم ورحمة الله وبركاته
أخواني وأعزائي خبراء تركيا عندي رحله أنا والعائله إلى تركيا بإذن الله
وحجزت على طربزون وأزنجول لكن المشكله ماحصلت طيران داخلي مناسب أسعاره نار ؟؟؟
وجربت كل الأفكار المطروحه بالمنتدى سألت الطيران التركي عندنا في الكويت عن السعر ( دولي وداخلي ) طلعلي كثير جدا وقالي إحجز من هناك أفضل !!!
راسلت شركة الحران على الإيميل ورسائل الجوال وعلى موقعهم ولم يردوا علي ؟؟؟ دقيت عليهم تيلفون كلمني إسماعيل أبوعمر تأسف مني وقال أنا أحجز فنادق موطيران داخلي ؟؟؟؟؟؟؟؟؟؟؟
طيب وش الحل مواقع الأنترنت للطيران ما عرفلها ولإنجليزي ضعيف فيه وماعندي فيزا كرت
وش الحل ياخوان أنا راح أوصل إستطنول يوم 10 -6 وبروح لطربزون يوم 11أو 12 -6 وأخاف ماحصل حجز ؟؟ أو أحصله غالي مثل أسعار الكويت !!!
الحل ياأخوان وهل أحد عنده شخص أو مكتب يحجز لي وأكون له ممنون ياليت يا أخوان تساعدوني هنا في الموضوع أو عبر الرسائل الخاصه
لآهنتم وبيض الله وجيهكم مقدما
بارك الله فيك
إقتباس من مشاركتي:
(( طيب وش الحل مواقع الأنترنت للطيران ما عرفلها ولإنجليزي ضعيف فيه وماعندي فيزا كرت ))
بإنتظار أهل الخبره جزاهم الله خير