السلام عليكم
بما اني جالس انتظر الفيز ( لي ولزوجتي ) الله يعجل بها, عندي اسألة واستفسارات محيرتني وابغى اجوبه.
- انا قبول اللغه حقي في جامعة لينكن كرايس تشيرش راح يبد في 30 june او 28 july والفيز باقي ما خلصت وتقريباً راح عليها من يوم وصلت السفاره 21 يوم. السؤال اذا تأخرت على موعد القبول هل اقدر اسافر وادخل الكورس او اجيب قبول لغه جديد.
- انا زوجتي حامل وبصراحه لازم اخذها معي (من النوع الي مايعيش من غير زوجته) ومن الحين تقولي روح اشري لي اغراض نفاس ( بخور , سفوف , لهوم , يانسون , حلبه . . . . واشياء اول مره اسمع فيها. قلت لها والله راح يطردونا من المطار. سؤالي هل اقدر ادخل بعض الماكولات؟ وايش الضوابط؟وايش الاشياء المهمه الي ممكن اني احرص اني اخذها معي؟
- ايش افضل خطوط طيران تروح كرايس تشيرش واقلها ترانزيت.
- اي مستشفى تنصحوني فيه للولاده؟ وهل الملحقية تعوضني على مصاريف الولاده؟
اعذروني على هالسؤال لكن تعرفون اول مولود وبعد انتظار 4 سنوات.
- بيت 3 غرف وحمامين ومطبخ بحاله ممتازه كم اجاره في كرايس تشيرش؟ وهل من السهل احصل شقه بهالمواصفات؟
- سمعت بعض الاخون يقول انه الجنسيه النيوزلنديه تعطى للمولود هناك هل هذا الكلام صحيح؟
شاكر لكم حبايبي
الف مبروك وربي يرزقكم الذرية الصالحة
بالنسبة للتأخير الوضع طبيعي
وكلنا طلعت التأشيرات بعد مابدأت الدراسه بشهر وشهرين
لاتغيير قبول اللغه ولا شي
لاتسافر بدون زوجتك