kuwait-airways
11-12-2022 - 12:51 pm
السلام عليكم ياشباب ويابنات ويعطيكم العافيه وحدث تغير علي خطتي وخليتها هجوميه 4-4-2 ههه داش مباراة الاخ لا بس تغيرت حسبتي لاني راح اخذ ولدي سعود معاي وعمري سنتين ونص تقريبا بحطلكم جدولين مو كاملين ابي تضبطوني ونكملهم وفي اسرع وقت تكفون ابي احجز التذاكر والفنادق كل مالها وترتفع
الاشخاص انا و زوجتي و ولي العهد سعود
السفر تاريخ 29-12
من الكويت الي كوالالمبور ومحتار بالطيران
الكويتيه بسعر = 690 دينار
الاماراتيه = 540 دينار (الانتظار تقريبا 3 ساعات)
القطريه=600 دينار (الانتظار الذهاب 2 ونصف والعوده 45 دقيقه)
الوصول والذهاب مباشرة الي سنلايجور والاقامه فيها ليلتين تاريخ 29 و 30 و31 -12 الفندق المقترح صن واي
تاريخ 31-12 الذهاب الي المطار والتوجه الي لنكاوي ومحتار هل اخليها ليلتين او ثلاث واي فندق تفضلون
تاريخ 3-1 التوجه الي بيينانج والاقامه ليلتين في اي فندق الله واعلم
تاريخ 5-1 التوجه الي مرتفعات الكاميرون والاقامة ليلتين واي فندق لا اعلم
7-1 التوجه الي كوالالمبور والاقامة 6 ليالي والاقامه بالماريوت
تاريخ 13-1 العودة الي ديار الوطن ان شاء الله
ادري جدولي يضحك بس ساعدوني وهل المناطق الي اخترتها تصلح للاطفال يعني يستانس واتمنى الرد بس اسرع وقت ممكن
ومشكورين مقدما ياخواني وخواتي
جدولك متعب الصراحه والولد الله يصلحه ويخليه لكم عمره سنتين ونص وتقول هل المناطق تصلح له
أعتقد مابيعرف شي رحتوا المريخ ولا ماليزيا توه مايمديه يميز المناطق اللي تصلح او لا
عموما مسألة كل منطقه يومين متعبه جدا جدا وغير مجديه ولا فيها اي متعه او راحه
عندك 14 ليله فالأفضل
ليلتين سيلانقور -- فندق الصن واي لاقون
ثلاث ليال لنكاوي -- فندق الويستن او البلانجي بيتش
ثلاث ليال بينانق -- فندق الراساسايانق او البارك رويال او القولدن ساندس كلهم ممتازين
ليلتين الكاميرون -- فندق الكاميرون هاي لاند
اربع ليال كوالالمبور -- فندق تريدرز قريب البرجين او الويستن وسط شارع العرب
وإن حبيت ايام كثير في كوالالمبور فكنسل الكاميرون
والفنادق فيه اقل سعر ولكن اقل مستوي
وموعد سفرك في قمة الغلاء وزحمة الأوروبيين راس السنه وأعتقد الفنادق
اللي ذكرت لك فوق بتحصل صعوبه في الحجز فيه زحمه واسعارها اللحين دبل
لو تؤخر سفرك اسبوعين افضل واوفر لك بكثير