ليه محد عبرني

هلا فيك اختي
التوب كابي/ أيا صوفيا/ مسجد السلطان احمد/ خزانات الماء (بيربتان ) / حديقة جولهانة / قراند بازار(السوق المسقوف) .... هذي كلها قريبه من بعض تزوروها بنفس الوقت
السوق المصري / رحلات البسفور / مطاعم السمك تحت جسر غلاطا / برج غلاطا ... في يوم واحد
ولي عودة

حياتي تسلمين بآخذ ورقه و قلم و أبدأ أرتب معك جدولي..
الله يفرج همك يا رب
الحين أول يوم أوصل باخذ فره جنب السكن اشوف الأوضاع و اكتشف المنطقه
الإثنين مثل ما قلتي بأروح
التوب كابي/ أيا صوفيا/ مسجد السلطان احمد/ خزانات الماء (بيربتان ) / حديقة جولهانة / قراند بازار(السوق المسقوف)
بس هالخزانات وش فيها؟؟ تستاهل الزياره ولا؟
الثلاثاء
السوق المصري / رحلات البسفور / مطاعم السمك تحت جسر غلاطا / برج غلاطا
باقي الأربعاء و الخميس و الجمعه
و شكرا لك

بصراحة مطاعم السمك اللي تحت الجسر أبدا ما أنصح فيها
زحمة جدا جدا جدا و الريحة مقرفة
بصراحة تخاف أحد ينشلك أو يسبب لك مشكلة

وياك يارب
لازم تحطي في بالك الايام الي تقفل فيها بعض الاماكن مثلاً:
السوق المسقوف الأحد
آيا صوفيا الأثنين
توبا كابي الثلاثاء
دولما باشا الاثنين والخميس
المسقوف والمصري يسكرون الساعة 7
المولات تسكر الساعة 10
ياربتان منطقة تحت الارض زي الكهف كانوا اول يستخدمونها لتخزين الماء الجميل فيها عدد كبير من الاعمدة والاضاءة الرومنسية وتمشين على جسر فوق المويه والمويه فيها اسماك وفيها كافيه صغير
وبالنسبة للجدول :
بورصه تحتاج يوم
تل العرايس أنا ماشفته بس رحت لبديل له ويقولون احسن من تل العرائس على ذمة الراوي ههه اسمه مقهى بيرلوتي موجود فوق هضبة ويطل على القرن الذهبي المنظر والمكان جداً جميل وانصح فيه في النهار اذا الجو حلو او العصر
جزيرة الاميرات وقصر دولما باشا ومنطقة ارتاكوي (مطاعم وكافيهات على البسفور) هذي في يوم
فيه عندك اماكن ثانية مثل: ميني تورك (تركيا المصغرة) / مول فورم اسطنبول الي فيه الاكواريم/ برج السفير (يطل على اسطنبول وفيه عرض 3d جميل لأهم معالم اسطنبول )
وبالنسبة للمواصلات انا جربت سيارة خاصه وجربت تاكسي ... السيارة الخاصة متعه وراحه خصوصاً لو معكم اطفال والتكاسي حراميه ونصابين بس السيارة الخاصه بيكون زيادة على اليومية سعر موقف السيارة
شوفي هذا الرابط فيه خريطة اسطنبول جداً مفيدة
https://artravelers.com/p/re/821665
موفقين ورحلة سعيدة
ودعواتك بتسهيل امورنا