هلا وغلا فيك اختي بتنور جده بتواجد
آختى هالفندق يقع في منطقه مزدحمه ومزعجه وبعيده عن الاسواق
والاماكن الترفيهيه والفندق قديم ايضآ ,,,
0مبلغ جيد جدآ وراح تقدري تحجزي فندق بمميزات افضل
وموقع احسن ,,
احجزي بشمال جده ( قريب من الكورنيش والمولات والاماكن الترفيهيه )
زي شارع حراء او شارع صاري ...
بالتوفيق لك ,,,

معليش طيب ليش ما سألتينا قبل الحجز !!
إذا تقدرى تلغى الحجز إلغيه ..
الفندق قديم وموقعه مزدحم وبعيد عن كل شى ..
قوليلنا حدود السعر/ الليلة وبنعطيكى خيارات أفضل إن شاء الله

جزاكم الله خير على التفاعل
مو مشكلة اقدر اكنسل الحجز
طب دلوني على فندق نظييف بالدرجة الاولى وراقي ب 950 - 1000 ريال فالليلة على ان يكون بغرفتين نوم وحدة سرير كبير والثانية سريرين منفصلين
(وحبذا لو فيه سرير ثالث بعد) ومسبح فالهواء الطلق (من اهم الشروط) ولو فيه قسم منه للأطفال.
ايش رايكم بفندق سن ست فيه نفس المواصفات؟ وهل موقعه حلو.....لاننا بصراحة ماندل في جدة ابدا ونبغى موقع قريب وبهاذا السعر ان امكن
اكون لكم شاكرة ويالييت تساعدوني بسرعة

يا آختي في فنادق بجده تتوفر فيها المسبح
بس اغلبها فنادق 5 نجوم واسعارها مرتفعه ...
زي الهليتون والروز وود والبارك حياة ,,, وكلها مطله على البحر
في فندقين اسعارهم جيده لكن برضوا نفس مشكلة قولدن توليب
مواقعهم بعيده ووسط الزحمه
زي الراديسون ساس والماريوت ,,, ( الماريوت افضل )
حاولي تزيدي الميزانية او تتنازلي عن خيار المسبح ,,,
بالتوفيق لك اختي

أنصحك بعدة فنادق :

• موفنبيك .
• المنزل .
• سن سيت ..

آخر فندقين نظام سويتات ،بالنسبة لموفنبيك والمنزل أكيد فيهم مسابح أما سن ست ماعندي فكرة شوفى الفندق اللى يناسب ميزانيتك واحجزى فيه ، كلهم أحدث وأفضل موقعاً من جولدن تيوليب.
وعندك كمان فندق إسهام موقعه رائع قريب جداً من الكورنيش بس ما أدرى فيه مسبح ولا لأ
رابط فندق سن سيت
http://www.sunsethotel-sa.com/ar/index_ar.html
رابط فندق المنزل
http://www.habitathotel.com.sa/
رابط فندق موفنبيك
http://www.moevenpick-hotels.com/en/pub/hotels_resorts/worldmap/jeddah/welcome.cfm
رابط موضوعي عن فندق إسهام
https://artravelers.com/p/re/593586
اتصلى فيهم وشوفى الفندق المناسب لميزانيتك وشروطك
وأى استفسار لاتترددى أختى

مشكورين ويعطيكم العافية
موفنبيك والمنزل وسن ست ماعندهم اجنحة بغرفتين واعلى من الميزانية المحددة (كلهم بحدود 1350 في الليلة)
واسهام كذلك ومافيه مسبح!!!!

طيب شوفى فندق رمادا كونتيننتال
http://www.ramadacontinentaljed.com/

كلمت رمادا كونتيننتال طلع جناح بغرفتين ب 1500 من غير فطور والمسبح في طور الاعداد!!!!

طيب ايش رايكم في (شقة غرفتين ب 1150 )في فندق الحمراء سوفوتيل؟
انا جربته في عام 2006 (بجناح غرفة وصالة ) كان حلو، لكن مدري عن هذي الشقة هل هي مناسبة ؟