السلام عليكم ورحمة الله وبركاته....
أخواني أنا بغيت فزعتكم وإن شاء الله ما تردوني ,,,,
أنا حجزت غرفة في فندق الشيراتون شرم الشيخ عن طريق موقع Expedia يوم الأحد الماضي 14/6 الساعة 2:04 ص ، وجاني أيميل تأكد أن المبلغ تم سحبه "شيكت على حساب الفيزا وصحيح المبلغ أنخصم" وعلى ما هو مذكور في الايميل أن هذي العملية هي عملية حجز "Booking" وأن تأكيد الحجز راح يجيني خلال 4 أيام.
تبون الصراحة أنا ما عجبتني سالفة 4 أيام علشان التأكيد ، قمت أتصلت على الفندق ، قلت لهم
"عرفتوني؟!"
قالوا "لا ، مين حضرتك؟"
أمزح معاكم خ
أنا عطيتهم إسمي بالعربي وبالأنجليزي ، الأسم الأول والعائلة.
رد علي الموظف "نو رزيرفيشن"!!
هنا طاح قلبي ، وعرفت أن السالفة فيها "إن"!!
لأن باقي لي 5 أيام على الرحلة وأنا ما أبي أنتظر وقت زيادة وما ألقى حجز فنادق إلا بسعر غالي
ما أدري يا جماعة أيش تشورون علي ، أبي نصايحكم ، وهذي Expedia أنا عارف أنها شركة كبيرة وموجود لها عشر طعش فرع دولي ، لكن النصب والإهمال ماله دين ولا مله.