saudi999
13-07-2022 - 07:35 pm
حبايبي رواد العرب المسافرون. إحتجت خبراتكم مرتين أيام العزوبية وماقصرتوا معي (الله يحفظكم) ومن جد كنت أدعي لكم بكل هالسفريتين اللي سبق ورحتها بتوصياتكم
هالمرة صاحبكم ماعاد هو برايح مع شلة التماسيح, خويكم بيروح شهر عسل (إقسم على 2.5 = 12 يوم).
ناوي أوروبا (باريس – زيلامسي – فيينا)
الذهاب 19-07-2009م
والعودة 31-08-2009م
حجزت التذاكر على الخطوط السعودية الرياض-باريس-الرياض لشخصين بمبلغ 3958 ريال
الصرف مخطط يكون كالتالي:
مصروف السكن لليلة مصروف الأكل لليوم مصروف الزيارات والتنقلات لليوم
0– 1200 ريال 100 – 200 ريال 300 – 400 ريال
خط السير:
باريس – فينا – زيلامسي – أدبر عمري وأرجع باريس عشان أصيف بالرياض:
هل بالإمكان الإنتقال من باريس إلى زيلامسي او العكس بإستخدام القطار؟ وكم السعر؟
باريس:مخطط لها 4 ليالي يالليت الله يوفقكم تكملون هالجدول الزغيرون
إسم الفندق
سعر الليلة
الأماكن السياحية
زيلامسي:مخطط لها 4 ليالي يالليت الله يوفقكم تكملون هالجدول الزغيرون
إسم الفندق
سعر الليلة
الأماكن السياحية
فيينا:مخطط لها 4 ليالي يالليت الله يوفقكم تكملون هالجدول الزغيرون
إسم الفندق
سعر الليلة
الأماكن السياحية
ولكم مني أحلى تحية
تكفون مسوي فيها من اليوم عادي والصراحة مقفلة أخلاقي بسبب الفنادق تدهورت من كثر البحث...
مشكورين واللي له أي تعديل على المخطط(مثل فينا أستبدلها بميونخ وإلا أغير وجهتي عن النمسا لو أقنعتوني لأني حجزت التذاكر الرياض-باريس-الرياض) لايرده إلا كيبورده مانستغني عن آرائكم
راح احاول اجاوبك على الي اقدر عليه والباقي يساعدوك فيه الاعضاء
عندك الانتقال من زيلامسي الى باريس او العكس مرة صعب اعتقد اكثر من 9 ساعات يعني يروح عليك يوم
كامل وانت يادوب 12 يوم
لازم تروح بالطائرة واذا مو غلطانه مافية الا عن طريق ميونيخ اول وبعدها قطار الى زلامسي
(تقريبا 2 وربع ساعة)
وبعدها تروح فيينا بالقطار (4 ساعات)والله يعينك ترجع لباريس مرة ثانية
في اقتراح (بما انه 12 يوم) تظل بس في فرنسا عندك نيس وكان وموناكو وليون هذا غير ديزني وباريس
لانه احس تعب تروح باريس وبعدها النمسا وترجع باربيس لو المده طويله ماعليش بس 12 يوم حاول تستغلهم قد ماتقدر بدل مايضيعوا بالتنقلات