zizo0074
07-12-2022 - 05:46 pm
بسم الله الرحمن الرحيم
السلام عليكم ورحمة الله وبركاته
اعضاء هذا المنتدى الكريم وخصوصا قسم السفر الى ماليزيا
احب اوجه لكم شكر كلن باسمه
ما اتحمست اخطط واحجز واسافر الا من ابداعكم في تقاريركم عن ماليزيا
باختصار شديد..
الله قدر علي واتزوجت الحمدلله قبل 8 شهور
والان زانت الامور الحمدلله فحبيت اطلع شهر عسل متاخر قليلا
ف عملت خطة وحبيت اخذ اراكم فيها من ناحية توزيع الايام والفنادق
واتمنى تنصحوني في كل منطقة فين اروح اتمشى
الوصول ان شاء الله يوم 9 سبتمبر....
1) يومين سلانجور حجزت في فندق بريميد
2) 3 ايام في لنكاوي.. وحجزت فندقين
ليلتين في فندق باي فيو
وليلة في بيرجايا
3) 4 ايام في بيننج.. وبرضو حجزت فندقين
ليلتين في هوليدي ان
وليلتين في بارك رويال
4 ) 3 ايام في كاميرون وحجزت في فندق اسم
copthorne hotel cameron highland
5) واخيرا 3 ايام في كوالا في فندق
best westren
عندي كم استفسار...
1- اش رايكم في حجز اكثر من فندق في المدينة الواحدة زي لنكاوي وبيننج حجزت فندقين من باب التغيير.
2- وبالنسبة لاخر فندقين ما اعرف عنهم اي شي بس شفت صور الفندق جيدة والسعر مناسب فياريت لو احد يعرف عنهم شي يقول.
وبس ويعطيكم العافية
هلا بك ومااجمل القدر اذا اتى بالزواج.الف الف مبارك لك زواجك وياب تكون ايامك كلها عسل..
حياك الله بين اخوانك ونحن في خدمتك.
اول التقسيم جميل جدا ورائع ولكن لي فيه نظرة صغنونه:
بينانغ كثير فيها 4ليال. يعني لو خليت 4لنكاوي نقول معقول اما بينانغ في رايي كثير فيها؟بعدين تقسيم المدن الى فندقين في ايام قليلة ماننصح به يعني لومدتك 7ايام في احدى المدن اقسمها. ثم التقسيم قد يجعلك في زيادة بالسعر.الفنادق كلش تمام.. عدا لنكاوي ونحن نعلم ان فنادق لنكاوي غالية ولكن تستاهل كل قرش.
فمن رايي انك تلغي اليوم الرابع حق بينانغ. منه تضبط المده ومنه وتوفر كم قرش.
وغير فنادق لنكاوي خاصة باي فيو.. ماانصحك فيه لاهو على الشاطي ولايستحق
السكن فيه خصوصا للعرسان.
اقل شي ممكن تاخذه هو فوربوينت شيرتون او لنكاوي لاقون وهذي ارخص فنادق نظيفة.
او عندك وستن او بلانجي اوكاسا ديل فخمه ومواقعها حلوه وتستاهل فلوسك.
بينانغ خلها 3ايام. وفندق اقتصادي مثل فلامنقو وتوفر دراهمك للنكاوي عشان ماتطيح في فندق خايس.
او بينانغ3ايام في هوليدي ان مبنى الشاطي ولاتاخذ مبنى البرج لان فيه اصلاحات. او بارك رويال .ولااقترح تقسيم المده.
شغله شيل شنط وحط شنط مااحبها.خصوصا انكم تبون استقرار وراحه.
فندق كاميرون له ميزه وحده وهي اطلالته.. لكنه حسب كلام اغلب زواره اصبح مدهوك ومتهالك الاثاث وبعيد حبتين.
جرب تشوف ديلافرانس اوكاميرون هايلاندز او شنتستري باينز او ليك هاوس او سموك هاوس. والثلاثه الاولة هي الانسب.
فندق ويسترون مااعجبني فيه الموقع فهو يعتبر بعيد عن شارع العرب والبرجين والتايم .
اقترح تسكن في التايم سكوير وسعره وسط او فندق ميترو الرخيص وهو نظيف بس حوله اعمال حفريات اذا بتسكن فوق بترتاح.
او جرب امبيانا او فوراما.. اهم شي عندي فندق لنكاوي شوف لك فندق افضل وانسب
كازامي