رسلان1980
17-07-2022 - 01:18 am
السلام عليكم ورحمة الله وبركاته
حبايبي اعضاء المنتدى اشكركم على جهودكم الجبارة واسأل الله ان يجعله في موازين حسناتكم
انا بصراحة هذي المرة الأولى اللي اروح فيها ماليزيا ودائماً ماليزيا خارج خياراتي يعني (ماخشت مزاجي) بس مرة من المرات وانا اتصفح منتداكم الموقر قلت خل ادخل بوابة ماليزيا وبصراحة انصدمت وغيرت رأي وشاورت المدام وشرايك نروح السنه هذي ماليزيا وكانت خارج حساباتها ماليزيا كنا نفتكر ان هالدوله ماخذه هاله اعلاميه فقط لاكن تغير رأيي بعد مشاهدت التقارير طولت عليكم صح الزبدة عندي كم استفسار:
الحمد لله تم الحجز من فنادق وطيران وكل الأمور متسهله لاكن السؤال كم يكفي مصروف لمدة 13 يوم من غير مشترياتي الخاصة يعني هل مبلغ 18000 تكفي وهل احولها للماليزي كلها بصراحة مدري عن الديرة
طبعاً رحلتي يومين سيلانجور واربعة ايام بينانق وسبع ايام كوالا يتخللها زياره للجنتق وبتروجاتيا
والسؤال الثاني انا بصراحة كل حجوزاتي عن طريق قلبي بوكنق) بس قيه فندق شولان في كوالا حجزته عن طريق اقودا بصراحة اول مره احجز عن طريق اقودا حصلته ارخص فرق كبير عن بوكنق لأنه غير مسترد المهم احجزو على المبلغ ولم يتم سحبه وش السالفة. وشكرا تعبت
وربي إني أقرأ كلامك ... وأبتسم .. يالبى قلبك ياشيخ
شوف يالغالي :
ماليزيا ( إدمان ) .. وسحر ... وجنون ... وعشق ... وبأذن الله تشوف بعينك
وبخصوص الجدول ( حلو ) ... لكن ليتك ( أضفت لنكاوي ) ... أجمل جزيرة بماليزيا
والله أنصحك إذا فيه إمكانية للتعديل ( عدًل ) وأضف لنكاوي ...
وبالنسبة للمصروف اليومي ... تكفيك ( 500 ريال ) يوميا ...
وأنصحك تقرأ موضوعي هذا وبأذن الله يفيدك
https://artravelers.com/p/re/820964