- المطلوب :-
السلام عليكم ورحمة الله وبركاتة ...
حبايبي (فيصل- بيبسي كولا - شموخ ) وبقية مشرفين ومراقبين الساحات الأوروبية , أسعد الله اوقاتكم بكل خير ....
قطعت فترة طويلة عن المنتدى بسبب الأنشغالات وبسبب وفاة أخوي رحمة الله عليه وعلى جميع موتى المسلمين .
حاب اقولكم اني بمشيئة الله نويت أنا و ( أبو رحم ) السفر لعدة دول أوربية وهي كتالي:
باريس - روتيردام - امستيردام - فرانكفورت
وكل شي جاهز ولله الحمد ( الفيز ) وتم إصدارها من احدى الوكالات المشهورة بجدة , والتذاكر وجاهزة , وملابس وجاهزة , والشناط وجاهزة , والهيل والقهوه وجاهزة ... لا لا مو جاهزة امزح
عموماً موعد الرحلة يوم : الجمعة
الوقت : 1,55 صباحاً , يعني صباح السبت , بتاريخ : 4 - فبراير - 2012م
من : جدة - إلى : باريس
باريس ( 5 أيام )
روتيردام ( 3 أيام )
أمستردام ( 6 أيام )
فرانكفورت ( 3 أيام )
وأحتمال ناخذ يومين في ( ميونخ )
المطلوب :-
أبغا أعرف وش أفضل أحجز للقطارات الأوروبية عن طريق النت ... وإلا عن طريق الشباك من نفس المحطة المركزية؟؟؟
ثاني شي انا متخوف احجز عن طريق النت, لأنه صارلي مشكلة سبق وعرضتها بالمنتدى مع المسؤولين في محطة ( باريس نورد ) العام الماضي وانا متجه من باريس لميونخ واعطيتهم الورقة الي طبعتها موضح فيها الحجز وموضح فيها اني دفعت بالماستر كارد , بس طلعو نصابين وقالو هذه مو تذكرة هذا تأكيد حجز واحنا نبغا تذكرة ...!!! ودفعوني 160 يورو لعدد تذكرتين انا وزوجتي
الله يرضى عليكم افيدوني عشان ما أتوهق ويصير لي نفس الموضوع , احجز عن طريق النت وإلا عن طريق نفس المحطة ؟؟؟ علماً بأن الأسعار عن طريق موقع ( الريل ترين ) تفرق عن سعر المحطات.
وللمعولمية جميع تنقلاتنا من المدن السابقة بتكون عن طريق القطارات , لأن بصراحة وناسة والواحد ينبسط بشكل كبير.
أنا ودي أعرف شي واحد ... ليش يوم حجزت عن طريق موقع ( الريل ترين ) واكدت حجزي ودفعت وطبعت الحجزماقبلوه ؟؟؟؟ هل يوجد أجهزة خدمة ذاتية من خلالها ادخل رقم الحجز واحصل على تذكرة ؟؟؟؟
ياليت تفيدونا حبايبي قبل مايجي موعد السفر, وشاكر ومقدر تعاونكم وجزاكم الله خير .....
والله يرحم اخوك
زين انا ما عندي خلفيه عن الباس الاوربي اللي يتيح لك التنقل لخمس دول وصالحه التكت لمده شهرين قريت عنه قبل بس ما اتذكره جربت ودخلت موقعهم تشوفه
ومرات فيه عروض عليه