السلام عليكم،
حبيت أنقل لكم الوضع الحالي في بوكيت
الأمور كلها تمام و مافي أي شي يدل على مواجهات أو اضرابات
انا ساكن في بوكيت صارلي سنة و ليلحين ماشفت أي شي يدل على مظاهرات
و ان شاءالله ماراح يصير شي
لانه كل المظاهرات في بانكوك و بالتحديد بس في جم شارع في بانكوك
اللي من الكويت راح يعرف المثل اللي بقوله
مظاهرات في ساحه الإرادة
شغب بره مجلس الأمه
بس الأفنيوز و المرينا و السالميه مافيهم شي
عموما حبيت أطمنكم بأن بوكيت جدا آمنه
يعني اذا خايفين من المظاهرات ماله داعي تروحون بانكوك
يعني انزل من الطياره و احجز تذكرتك على اول رحلة لي بوكيت
إذا وصلتوا بوكيت و حبيتوا تسألون عن اي شي تقدرون تتصلون فيني
معاك طلال اليوسف من الكويت
مقيم في بوكيت صارلي سنه تقريبا و العربي الوحيد اللي يدرب غوص