برشلوني كتلوني
بالنسبة ل مونيسيرات ما تحتاج يوم كامل وبتلاقي بعض المعلومات البسيطة عنها في تقريري اللي بالتوقيع والمنطثة عبارة عن مرتفعات جبلية حلوة في الصيف أما الشتاء فأنتم ما تدورون زيادة برد
أما السؤال الثاني فما عندي أي فكرة عنه للأسف

montserrat ... منطقة جبلية فيها دير و كنائس ... لو حاب تروح الأفضل تذهب مع شركة سياحية

اشكركم اخواني زمان ,, الليل والنهار...انا رايح الان لمونتسيرات بواسطة احدى الشركات بالباص..ان شاءالله تكون رحلة موفقه..دعواتكم.
لا زلت انتظر الرد بخصوص السوفينير(سؤالي الثاني) ماعاد فيه فرصه الا بكره....تحياتي

برشلوني كتلوني
رحلة موفقه ..... وان شاء الله تستمتع وتنبسط
أنا ان شاء الله لي زيارة لبرشلونا في شهر 6 .. بماأنك فيها اتمنى تعطيني فكره عن افضل الأماكن والفندق اللي ساكن فيه وكم سعره ... وما أسم الشركه وموقعها وسعرها اللي رحت معهم لمونتسيرات ,
وهل المنطقة تستاهل الزيارة ................ دمت بود

1. أبو وسن

أبو وسن

اشكرك على مشاعرك اخي العزيز وان شاء الله تجي بالسلامه بالنسبة للاماكن فهي كثيره وانا ما قدرت اغطيها رغم ان اقامتي 8 ليالي ..لكن عليك بالباص السياحي(هب ان هوب) اي الباص المكشوف وجرب اللاين الاورنج والاخضر فلكل منها اماكن تزورها حلوه وتذكرته الشخص يوم واحد ب 23 ويومين ب30 يورو , واشوف تخصص يومين عشان تتعرف ع الاماكن طبعا تقدر تنزل وتركب زي ما تبي لانه كل 5 دقايق باص يجيك..ثانيا فيه اماكن مثل متحف بيكاسو,,منزل جاودي..متحف جاودي..وزيارة البورت فيل.. والبورت اولومبيك..وملعب نو كامب(ملعب برشلونه النادي).. وتل المنجويك وممكن بالتلفريك تطلع له..والملعب الاولمبي..وشارع باسيج دي غراثيا(كله ماركات وكوفيهات مثل الشانزليزيه)..وشارع الرامبلا وساحة كتالونيا وساحة اسبانيا وعرض النافوره السحريه بالقرب من ساحة اسبانيا والمتحف الوطني جنبهم فوق المرتفع..بالاضافة الى المولات مثل الكورت انجلس.. ودياجونال مار ..وجلوريا وكذلك مول جديد اسمه ارينا على شكل حلبة مصارعة ثيران جنب بلازا اسبانيا...عندك اشياء كثيره وانشطه في برسلونه.
طبعا انا سكنت في شقق فندقيه تقييمها عالي من موقع بوكنج اسمها casp74 apartments وتقع في شارع casp عى مسافة 4 بلوكات عن ساحه كتالونيا يعني مشي عادي خلال 10 دقايق وانت في بلازا كتالونيا..وهي مرتبه وحلوه والرسبشن 24 ساعه وكل ما تحتاجه بالشقه وسعرها ممتاز (انا حجزت من فترة) وجنبك مخبز وصيدليه وبقالات..وارشحها بقوه..شوف موقعهم في النت وتفرج على الشقه..اما الشركه اللي رحت عن طريقها لمونتسيرات اسمها جوليا ترافل ايجنسي وتقع عند محطة مترو اونوفرستي وتحديدا مقابل فندق jazz hotel وسعر التذكره ب 53 يورو. مع جروب في باص كبير ومريح غير شامل اي شي من اكل او شرب والمشوار من برشلونه الى مونتسرات ساعه وعشر دقايق. وانا اخذت التذكره من نفس مقر سكني ورحت دايركت للاوفس ..وانصح بزيارة مونتسرات لان المنطقه جميله وفيها مرتفعات غاية في الروعه والجو فيها لا يختلف كثيرا عن برشلونه..ابرد بدرجه تقريبا..يعني تغيير جو طبعا هناك كنيسه ودير مثل ماذكر الاخ المشرف وفيه كافتيريا ومطعم ومناظر خلابه
اتمنى افدتكم بشي.