الخبره6
28-01-2022 - 07:07 am
السلام عليكم ورحمة الله وبركاته
انا حالياً في جنيف وفي فندق البريستول بالتحديد
وموقعه تمام الصراحه
والجو بريد مو بارد
والفندق عموماً جيد مقارنةً بفندق الكونكورد لافاييت
وقمنا بجولة انا والمدام قدام البحيرة
والصراحه الخليجيين بالهبل واكثر من باريس
لدرجة ان الاغاني اللي بالالعاب (الكرنفال) كلها خليجية وبالتحديد سعودية
وزحمة مره
سواءً على الالعاب وخاصة سباق الهجن ما ادري ليش والله انا استغربت يعني اللي يقعد على اللعبة
ما يقوم عنها وانا قدام عيني والله مريت على 4 اشخاص خليجين الساعه 6 ونص ورجعت على نفس اللعبة
الساعه 10 ونص والا وهم موجودين نفسهم ونفس الكراسي
المهم المكان مره زحمة
بس خلونا في المفييد انا كلمت تبع الفندق وسالته عن قمة جبال الالب وكان فيه واحد من الاخوان
المغاربه شغال في الريسيبشن وحجز لنا تذكرتين
سعر التذكره 245 فرنك سويسري للشخص الواحد
بس ما ادري هل السعر كويس ولا مبالغ فيه
مع العلم انها شامله كل حاجه حتى الغداء
والخروج من المحطة 8ونص والعودة 6 مساءً
هل السعر مناسب ام لا
وانا حاجز ورويل سيرفر باص بس قالي انها ما تعملك شي ولا خصم على هذي الرحله
المهم هذي حجزناها وخلصنا وبكره الصبح طالعين
وانا الحين ابغي اسالكم عن Gruyeres Golden
اعتقد انه الباص الذهبي وانه يودينا للمصانع الشكولاته
وغيره من المناضر الخلابه
وسعر التذكره للشخص 198 فرنك سويسري
فما ادري هل السعر مناسب ام لا
واذا لا فكيف اذهب لهالاماكن وباسعار اقل وهل تستحق هذه الاماكن الزيارة ام لا
ردو علي بسرعه تكفون
