noorDubai
21-06-2022 - 06:49 am
حاليا اهلي في فرنسا .. هو المخطط كان يروحون مكان ثاني والترانزيت في فرنسا
بس صار ظرف عرقل تكملة الرحلة واضطروا للبقاء في باريس .. وحاليا ان شاء الله سيستقرون لمدة 4 ايام ..
طبعا الميزانية ابد ما كانت في الحسبة ..
لكن يالله .. قدر الله وماشاء فعل .. والحمدلله رب العالمين ..
المهم ..
هم عددهم 6 اشخاص .. 3 بالغين وامرأه شوي كبيرة في السن
وطفلين تحت ال 14 سنة ..
ياليت لو تقولون شو ممكن يسوون او وين يروحون في هالأيام عشان يستانسون طبعا بعد ما تعرقلت رحلتهم الاصلية
لأنهم محبطين
هم ساكنين قريب من الشانز شوي .. في منطقة فيكتور هوجو .. انا اول مرة اسمع بهالمنطقة ..
بس مش هذي مشكلتنا ..
بما انه وياهم طفلين اقترحت عليهم يروحون ديزني لاند يوم
انزين شو افضل طريقة لهم للوصول للديزني لاند .. مع مراعاة حالة الاشخاص وسنهم
سيارة او باص او قطار او شو ؟؟
كم دقيقة من باريس للديزني لاند ..
قريت عن الباص الاحمر والباص الاصفر .. الصعود والنزول سهل منهم؟ هالسؤال يفيدني عشان المرأة الكبيرة في السن شوي ..
يعني الحمدلله صحتها زينة لكن ريولها شوي ممكن ما تساعدها وايد مش متأكدة ..
واي باص احسن الاحمر او الاصفر؟
وشو من المناطق الريفية القريبة من باريس يعني فيها خضرة وانهار او بحيرات .. يعني باختصار طبيعة الواحد ممكن يجلس شوي ياخذ نفس ويرتاح من زحمة المدينة
انجدونا ..
وشاكرة لكم مقدما وجزاكم الله خير ..
وبتالقين كل شئ المنتدى ما شاء الله فيه زخم كبير من المعلوات والصور
وان شاء الله باقي الاخوان ماهم مقصرين معكي ... رحله سعيده للعائله