يخوي غير الفندق وروح منطقه السلطان احمد .. فنادقها افضل بكثير
واذا تبي تطلع برا اسطنبول نهائيا عندك يلوا بورصه قريبه منك ولا يبيلها شي .. لكن عندك منطقه السلطان احمد افضل من تقسيم لان كل شي قريب منك تتمشى على رجولك ..
وبالنسبه لطرابزون او اوزنقول تروح لها عن طريق طيران داخلي تواصل مع شركه الحران مثلا المووجوده في قسم شركات السفر في المنتدى يرتبون لك سفر اذا مستعجل وتأكد من الاسعار قبل كل شي

اول شي مشكور على ردك ياخوي والله يجزيك خير
شنو الفنادق اللي في يلوا او بورصه تنصحني فيها؟وشلون اقدر اروح لهم؟
ومنطقة السلطان احمد اي فندق تنصحني فيه ؟
الله يخليك اخوي احنا ناوين بأقرب وقت نطلع من اهني حتى لو الليله اهم شي اراضي زوجتي..

وين الردود يا اخواني واخواتي

روحو أبانت ( فندق ابانت بلس ) هناك الطبيعة والجو يشبه مدن الشمال بالباص 4 ساعات تقريبا بس الطريق روعة .
ابحث في النت بتلقى موقع الفندق
واحجزوا من بوكينج أو شركة ..
https://www.booking.com/hotel/tr/abant-palace.html?aid=1300939
يومين او ثلاث وبعدها روحو بورصة بالباص
تقسيم منطقة لاتناسب العوائل .. السلطان احمد افضل بكثير .

أنصحكم ما تستعجلون اسطنبول منطقة متنوعة وفيها مايرضي جميع الأذواق
إذا فندقكم مو عاجبكم حالياً كحل طاريء روحوا لفندق the plaza قريب من قصر دولما بهجه ..
أو روحوا فندق ريتز كارلتون بمنطقة تقسيم واخذوا غرفة مطلة على البسفور وكلاهما 5 نجوم..
ليمن تنقلون إلى بورصا ..
إذا أنّكم مُصرّين تتركون اسطنبول ..
والظاهر إنتوا مثلنا ما حبيتوا تقسيم لأنها زحمة وإزعاج و ما أحسها شرحة
انتظروا لين باجر وقرروا يا تنتقلون لمنطقة السلطان أحمد
أو روحوا بالعبّارة لين بورصا و منها اطلعوا على بولو أبانت ..
هذه فنادق بورصا المتوافرة في موقع بوكينج
والسعر الموجود لمدة 6 ليالي
https://www.booking.com/searchresults.ar.html?aid=1300939
الله يشرح صدوركم ويمتّعكم برحلتكم ..

https://www.booking.com/searchresults.ar.html?aid=1300939
هذه فنادق السلطان أحمد..

شوف يااخي الكريم اذا لم أهم شفتك الظهر الساعة ثلاثة طالع من تكسيم وزعلان انت والمدام والشمس حارقتكم لكن روح لأحد المكاتب السياحية قبل ما يقفلون بسرعه واحجز اقرب رحلة لطربزون وفلها واستانس وبرد حالك وتحت العربية للطيران فيه مكتب سياحي جيد روح احجز تذاكر وفنادق وامشي الا ام العيال لا تزعلها ترا الدنيا ما تسوى
وصف المكتب اذا خرجت من تكسيم وماكدونالدز بيمينك تروح سيدا كيلو ونصف ويجيك المكتب يسار هو والعربية للطيران بمكتب واحد ولو استطيع ارسل لك رقمهم كان ارسلت لكن ما تفعل حسابك للرسائل الخاصة

شوف اخوي ,, اقرب شيء لك ,, في شارع تقسيم ,, وانت رايح للدوار اخره على اليمين يوجد مطعم عربي ومكتوب عليه بعض الكتابات العربية ,, هو مطعم ولديه مرشدين سياحيين ,, يرتبون لك اللي تبيه ,, لو اني مانصح بهالطريقة ازين شيء انت اللي ترتب لنفسك , لكن هذا اسرع حل لك .

مشكور اخوي ذات العماد على نصيحتك
بالنسبه لأبانت شنو الاماكن اللي نقدر نروح لها وزوجتي تستانس هناك وترضى ؟؟
والسموحه منك رديت متأخر لأنه النت اهني مب زين وتحملوني شوي
انتظر ردك ومساعدتك