نشر في فيينا

حاليا بفينا ولله الحمد أي أستفسار أنا موجود

دحوووومي

30-12-2022 - 06:27 pm

السلآم عليكم
أخبآركم
أبشركم الآمور كله تمآم
تم الآقلآع من الرياض لمصر ترآنزيت لفينا ...!
وكآن الطيرآن المصري مره روعه لآ تعآمل ولآ وجبآت طيآره ولآ وقت روعه بسرآحه مآ توقعت كذآ على كلآم النآس
وتم والوصول حوآلي السآعه 4 عصراً
علماً أن الفيزة مستخرجه من سفارة التشيك ولم يحصل مشآكل
الجو مره روعه بس فيه بروده يعني تقريباً تصل إلى 15 درجه مئوية ..
طبعآ البروده مو مثل بروده السعودية يعني بردهم يجنن
بس المشكله وصلت ونمت وقمت على الفجر وبلشت مآفي أكل كل شي مسكر <
وأي أستفسآر أنا حآضر ...!

التعليقات (9)

العوض ولا القطيعه

30-12-2022 - 09:36 pm

موفق ان شاء الله ورحله سعيده
أأنا اخطط لسفره مثلك لمده 15 يوم
انت اكيد دامك توك واصل أكيد عاجن وخابز التكلفه
كم التكلفه من غير التذاكر أنا وزوجتي
طبعا فينا 4 ايام سالزبورخ 3 ايام زيلامسي او كابرون 5 ايام ميونخ 3ايام
موفق

دحوووومي

30-12-2022 - 10:37 pm

العوض ولا القطيعه
هلآ ومرحبآ
لآ الآمور تمآم التمآم ...
بالنسبه لتكلفه أنا كلفتن الرحله أنا وزوجتي مآ يقآرب 31 الف ريال شآآآآآآآمله كل شي لمده 12 يوم .. 4 أيآم فينا .. 5 أيآم زيلامسي .. 3 أيآم ميونخ ..
الفنادق 7000 ريال
أجار السيارة 1600 ريال
الطياران 5000ريال
الفيزة 2000 ريال
مصاريف 10.000 ريال .. صرفتها طلعت 2000 يورو .. بمعدل يومي 166 يورو لليوم الواحد تقريباً
مصآريف مصر والرياض حوآلي 5000 ريال
بس لآ تفوتك الصدز

العوض ولا القطيعه

30-12-2022 - 11:38 pm

مشكور يالغالي ماقصرت على الرد الحلو
كفيت ووفيت لكن مصاريف مصر والرياض تقصد اللي اخذته معك بالشنطه مو مونه + مصاريف داخل المطاار من مجاميعه والا اايش
ثانيا
مافي صورة لايف تنزلها لنا الان
موفق

الاميرة خلود

31-12-2022 - 12:39 am

حمدالله ع سلامتك اخوي
بغيت استفسر عن اشياءات ...
لو طلعت فيزه نمساويه اوكي وانا وجهتي لسويسرا بجلس فيها يومين وانزل للنمسا ..
عادي ولا فيه مشاكل من هالناحيه ؟
ثاني شي يقول الوالد ان اي سفاره ماتقبل بحجز البوكينق نهائيا وبالذات السفاره النمساويه يعني الا احجز من مكتب زي الطيار , وهو بصراحه اسعاره دبل ...
صدق هالكلام ولالا ؟
افيدني الله يجزاك خير

عذبة

31-12-2022 - 01:40 am

هلا أخوي رحلة موفقة ان شاء الله
بس حبيت استفسر عن الفنادق و اسعارها

ااالريم

31-12-2022 - 02:41 am

الحمدلله على سلامتكم يادحوومي
والله فرحت لكم
ولسى لما تستاجر سياره على راحتك راح تكون الرحله ان شاءالله تمام
وفل
رحله سعيده وموفقه

MANO.SENO

31-12-2022 - 03:42 am

تكفى وانت ماشي بهالشوارع توسع صدرك وتتمشى امسك لك واحد واساله كيف الاجواء عندكم ب 20 مارس برد ولا حر ؟
تكفى تاكد لي كيف الجو يسوى لسفرة شهر عسل ولا لا ؟
وانتظر الجواب بليز

دحوووومي

31-12-2022 - 04:43 am

العوض ولا القطيعه
مصآريف مصر والريآض أيه بالشنطة للآكل بالمطآر وسكنت يوم بالريآض وبرجوع بسكن بالريآض يوم مع الآكل والشرب بالمطآرآت
من عيوني بنزل لك صور يالغآلي

دحوووومي

31-12-2022 - 05:44 am

الاميرة خلود
هلآ فيك
أول شي الفيزة أذا بتروحين من دوله لدوله لآزم تكون شنقن وعآدي تقريبآ 26 دوله أوربيه
أنا من رآيي تعطين المكتب وهو يخلصهآ لك أحسن نفس طريقتي مآ طلبو غير الجوزات نفس المكتب وهم تكفلو بكل شي

فيينا المسافرون العرب

حاليا بفينا ولله الحمد أي أستفسار أنا موجود