1. المهم الحادثه................بين انترلاكن ولوقانو...............

مساكم الله بالخير يااخوانى واخواتى .. محدثتكم ضيفه جديده عليكم وشكلى بروعكم الله يحفض الجميع ومادرى فى احد مر بهذى التجربه فى المنتدى اولا .
بدات رحلتى هادئه كالعاده بتفاصيلها المخطط لها من ميونخ مرورا بزيزرخ انتر لاكن لوقانو ميلانو والعوده لميونخ

المهم الحادثه................بين انترلاكن ولوقانو...............

كاعاده اخذنا تفاصيل الطريق من الفندق وتوكلنا على الله واعتقدنا ان المسافه تقريبا 350 كيلو متر تقريبا يعنى براحه 4 ساعات المهم مشينا والطريق كان رائع غابات شللات خضره والجو ممتاز تقريبا بعد 60 كيلو بدا الطريق يلتوى بشكل مخيف وكان من فى السياره بعضهم مبسوط البعض الاخربدا يخاف ولى يقول شف شلالات شف بحيره شوى الا بدا يضهر الثلج والعيال مبسوطين وللحضات الا احنا فى قمم الجبال وكان الجو بارد وممطر وبصراحه خفنا مافيه اى لوحات تثبت ان الطريق صحيح وكل ماسئلنا احد يقول او لوقانو بعيده جدا طيب احنا مشينا ثلاث ساعات ولس الطريق بعيد فكرت لا اكيد احنا اخذن الطريق الخطا خلينا نكمل ونشوف توكلنا على الله وكملنا ولكن شفت الرعب الى بحياتى ماشفته طريق ملتوى وخط واحد وضباب كثيف جدا منقدر نشوف اى شى حتى مانقدر نوقف واخذنا ندعو الله ان ينور لنا الطريق كان ابونا والله متماسك جدا ولاكن طريق موحش جدا ماشفت فيه الامطعم فى راس الجبل وبلده ولكن فرج الله علينا وواصلنا حتى وصلنى الهاى وى والحمد الله ماخذ معنا اقل من ساع للوصول للوقانو .
حبيت اذكر تجربتى لاخوانى تحذير لهم من هذا الطريق لانه بعد ماوصلنا فوجئنا بسقوط عائلتين من ا احد الدول الخليجيه وبعد التقصى عرفنا انه يوجد طريق اخر قصير من داخل الانفاق واتمنى من الجميع التاكد من خارطه الطريق وادخال المعلومات فى الجهاز