السلام عليكم
انا محتاره في مخطط رحلتنا هالسنه لذلك قلت مالي الا اشاور خبراءنا في منتدى المسافرون العرب
الوصول ان شالله بيكون مطار ميونخ ثم الانطلاق الى منطقة روزنهايم عالحدود مع النمسا 4 ايام
ثم الذهاب الى لوقانو 4 ايام من ضمنها يوم ميلانو
بعدين نروح انترلاكن وهنا المشكله لاننا سبق الذههاب الى انترلاكن مرتين وحفظناها هي والاماكن اللي جنبها مثل لوزيرن وثون وقشتاد وبلاو سي ولكن عشان بنروح بعدها الى زيورخ فضلنا نقعد فيها 3 ايام عشان ما يكون الطريق طويل لذلك ياليت لوتعطوني اقتراحتكم حق انترلاكن-انا سمعت عن قرية لويسن ومجيف فهل هي قريبه من انترلاكن؟
بعد انترلاكن الذهاب الى زيورخ 3 ايام (محتاجه اقتراحاتكم لاماكن سياحيه فيها او قريب منها)
ثم الذهاب الى فرايبورغ الالمانيه 3 ايام لزيارة يورب بارك
بالنهاية العوده الى ميونخ والمكوث فيها 7 ايام
ادري طولت عليكم بس انا فعلا محتاره لاني ما اريد نزور نفس الاماكن السنه الماضيه حابين نستكشف مدن جديده
وسيلة النقل بالسياره ونحن عايله ومعانا طفلين -هل تشوفون انه الطريق متعب بين هذي المدن حسب المخطط اللي حطيته؟
بالنسبه لديفون وجنيف وما حولها ايضا تمت زيارتها وما نفكر نزورها هالسنه
ارجوكم تساعدوني وجزاكم الله ألف خير