- السلام عليكم ورحمة الله وبركاته..
- المنتزات..
السلام عليكم ورحمة الله وبركاته..
هذا أول موضوع لي بهالمنتدى الرائع جداً..وقد دخلته قبل سفري لجيبوتي علشان ابحث عن معلومات عن جيبوتي ومالقيت الي يساعدني على العموم أنتقلت لها للسكن فيها والحمد لله لي الان فيها شهر وبصراحة مازلنا على قيد الحياة ومهددين بالانقراض. ..
جيبوتي ياكرهي لها والله يعيننا عليها وتعدي هالأربع السنوات على خير والله يعز أرضك يالسعودية..
المهم ..
جيبوتي لغتهم لغة العفر الي هي لغة الصومال ويتكلمون اللغة الفرنسية وبسيط جدا الي يتكلمون اللغة العربية ..
اما باللنسبة للتعاملهم فزفت ناس همجين جداُ أوقح ناس قد قابلتهم ..
وليلهم ونهارهم يقيتون بالقات والرجال مايشتغلون النساء هم الكل في الكل ..هم الي يشتغلون وهم كلش بهالبلد ..
اما بالنسبة للسواق فآآآآآآآآآآخ يالاسواق عدم ..فيه كم سوق بابلغكم علشان الي بيسكنون هنا ويبون معلومات..
الاسواق...1- سوبر ماركت نيو قبري وبتشوفون صورته لاحقاً..ماشي وفي جيبوتي بعض المنتجات السعودية مثل لونا وكيري وربيع ماشيه تنفع ..وطبعاً الالبان احلمو مافيه الا يوم الاربعاء فقط يجينا لبن المراعي وبسرعة يخلص..
2- سوبر ماركت نابليون ..حلو ومرتب وافضل سعر من نيو قبري ..
3- سوبر ماركت سمير اميس..مازلته بس يمدحونه السعوديات هنا..
4- كاش ..طبعا هذا سوبر ماركت فرنسي بس صراحة يجنن ويفتح النفس ويذكرني برد تاغ حلو مره بس غالي شوي..
وفيه اسواق باقي بس عفن مره ..
مواد الغذاء..لازم اي احد بيسكن هنا بجيبوتي يجيب معه من دولة مواد الغذاء لانها بصراحة عدم هنا ومعفنه وغالية مووت ..
المطاعم..
شبة منقرضة الي تفتح النفس..
1- مطعم نيو قبري زي البوفيه ماشي بس اكثر اكلهم بايت يعني معفن ..
2- مطعم لبناني فيه اثنين بصراحة افضل مالقيت تجنن واحد غالي شوي بس كل ما تحلمون من اكلات شامية فيه ونظيف والثاني اقل شويه بس عليه فلافل تجنن وهو الوحيد بجيبوتي الي عنده فلافل..
3- فيه مطعم هندي وصيني بس لسى مازرتها ..
والمطاعم اليمينية يقولون كثيرة بس الدولة معفنه تجبركم على الاكل بالبيت واحلموا بالمطاعم ببلدكم ..
المنتزات..
عدم...بس فيه البحر وكورنيس الاسكال بتشوفون صورة لاحقاً..والبر عندهم حلو والبحر على البر برضه حلو وفيه مدينة جبلية حلوة اسمها عرتا برد جبلية مطله على بحر وفيها استراحات نتجمع العوائل السعودية بهالاستراحات ونستانس ونغير جو ..
نبدا الآن بالصور..
هذا مطار جيبوتي وقت وصولنا لها ..
وهذي السيارات الخضر هي التكاسي عفن وقرف مووت واسم السيارة بالجيبوتي ( بابور )..
هذي ملاهي قرب بيتنا تعتبر عندهم افخم شي
وهذا مقهى يعتبر شي عند مطعم نيو قبري
وهذا افضل مكان عندهم وهو كورنيش الاسكال..للقهوة والشاي وكلها كشكات وفيها مطاعم كشكات بس قرف وتموتون وتكرون الطلب بعدين يجيبونه..بس ماعليه ينفع..
وفيه ميزه حلوة عندهم ..ليلهم ونهارهم يكنسون عمال النظافة ووشهم عمال النظافه ياحرام حريم وكبار بالسن وهذي صورة ماقدرت اصور زي انحرجت منهم ..
هذا سوبر ماركت العاصمة اسمه نيوقبري
وهذا الصراف الآلي وافضل لكل من بينتقل للعيش هنا يجيب معه من دولته كاش علشان تصرفونها من حريم للفرنك الجيبوتي لان الصرافات هنا تاخذ بنسبة 35% نصب ...
وهذا الخبز اليميني بالحبة السوداء يجنن..
وهذا البواب تبعنا عمارتنا ويسمونه القرديان ..وهذا البيت بيتهم ياحرام يقطعون القلب مره فقراء..شوفوا نايم فوق بيته علشان يبرد شويه..
طبعاص الكهرب موت عندهم غالي نار ..
وهذا البلدية عندهم عربة حمار الله يكرمكم..
وهذي حرمة تجمع من الارض الاكل المرمي ناس فقراء ترحمهم مره ياقلبي ..بصراحة هذي الدولة تروضك من الدلع والعز الى الاقل لمى تشوفهم ..
وهذي 10000 عشرة الآف فرنك
ولي جزء ثاني معكم ...
تحياتي لكم من ربوع أفريقيا ..
مراسلتكم من جيبوتي..
الرايقة
متحمسين نعرف اكثر عن هذه الدولة واسرارها ,,