شكراً اختي بنت زايد على النصيحه
وللمعلوميه مدريد والجنوب الاسباني حار بس لو سرتوا على الشمال الاسباني ولا شمال برشلونه في مدينة llore de mar هناك الاجواء حلو وبارد وممطره .

الله يعطيك العافيه على النصيحة .. انا رحلتي 1 اوقست وصارلي كم يوم اشاور نفسي عشان الحر .. ما اطيقه ..
وسبق ونزلت سؤال للي راحو هالوقت .. لكن ما حد قدر يفيدني .. لكن موضوعك جا بوقته ..
ابحاول اكنسل الحجوزات وااجلها الى بعد العيد
شكرا مره ثانية

سفير إسبانيا
الله يعافيك يا ترحال
زين ما تسوي
و الله ندمت على اختياري اسبانيا
زرت قصر الحمراء و متنا من الحر
تمنيت الغيم و السحب يومها
و اشعة الشمس رافقتنا في قرطبة
و الغينا زيارة اشبيلة و رندة مع اني كنت اتمنى ازورهم
اسبانيا وايد حلوة وفيها اماكن سياحية كثيرة
و تستحق الزيارة لكن مب في الصيف

أختي الكريمه بنت زايد انا الحين في اسبانيا وبالتحديد مدريد والاجواء غير مناسبه في الوقت الحالي

وأنا في مدريد كذلك يامعالي السفير
لكن في نظري الجو ممتاز اليومين هذي ( الأحد والاثنين )
صحيح لن يقارن بمناطق الشمال أبداً لكنه في الليل من أجمل مايكون ..
يعني أنا أصلي المغرب والعشاء في المركز الإسلامي
ولا مكيف واحد مفتوح ( هوا ربنا ) جميل جدا ..
لكن الجنوب من لا يطيق الحر لا يزره الآن ..
فقد كنت في زيارة لبعض الإخوان ممن يعملون هنا في القطاع الدبلوماسي
وأوصوني بعدم زيارة الجنوب إن كان معي أحد من الأهل خصوصا الكبار ..
لكن شخصيا ما دمت أني سافرت فمتى سأعود هنا مرة أخرى ؟
لذلك سأغتنم الفرصة مهما كانت إن شاء الله .. أتمنى للجميع التوفيق .

بنت زايد .. كيف نقلتو من مدريد الى ربوكسل ..؟ وحجوزات فنادقكم وخطة جدولكم الي في اسبانيا ...؟ كيف الغيتو كل هذا .؟
بعدين ما ادري كل اجواء اسبانيا في شهر سبتمبر بعد اوجست .؟

شكرا عالفائده
تحياتي لك ..

والله الجو رائع ما يتقارن بجو الخليج الهواء بارد وحرام مازرت برشلونة هي ابرد شوي وفيها سحب والشمس في اسبانيا هي الحارة الظل جدا رائع براد والحمدالله