معليش اخوي .. بس وش بتزور في يوم ؟؟ بتوصل تعبان و تنام و تواصل رحلتك من بكره ..
انا اشوف انك تعيد النظر في عدد المدن *

والله يا خوي الموضوع ضغط شوي لكن تجي منها خلني اقول لك وشلون
اولا فرانكفورت مالنا هدف فيها غير ناخذ سياره من المطار ومباشرة الى ميونخ بنوصل في الليل ننام ونصحى اليوم التالي في ميونخ ونبي نعرف وش الزبده في ميونخ الاماكن اللي لا بد زيارتها طبعا حنا مالنا في الشوبنخ نهائيا
ننام نصحى نصلي الفجر ونفطر وندوس الى سالزبورغ يعني عشر احد عشر الظهر وحنى هناك ويوم في سالزبورغ والثاني في زيلامسي ثم ننطلق بعد الفطور الى فينيسيا
طبعا ناخذ جولة في فينسيا مباشرة او ما نوصل وبعدها على المغرب نرجع ونحط راسنا وننام نصحى ونصلي الفجر ونفطر وننطلق الى ميلان نروح التاون وفره في التاون والدوموا ونتغدى فيها ثم نكمل المشوار الى لوقانوا عشان نبيت فيها طبعا ننام ونصحى ونفطر على لوقانوا وثم جولة بسيطه فيها لانهم يقولون ما فيها الا البحيره ثم ننطلق بعد الظهر الى انترلكن
ناخذ يومين في انترلكن بس ما ندري وين نروح طبعا نصايحكم مهمه
ثم ننطلق الى جنيف عشان ناخذ قطار وننطلق الى باريس ونستمتع بالطريق بالقطار وثم ثلاثة ايام في باريس طبعا نصيحتكم وين نروح في هالثلاث ايام
ثم نرجع الى جنيف بالقطار نقعد فيها ثلاث ايام طبعا ما ندري وين نروح ووش نصايحكم
وهذي القصة باختصار وعسانا نتوفق
ارجو المساعده والنصيحه للاماكن الزبده في هذي المدن

حرام عليكم يا شباب والله الرحله متعبة جدا مش قادره أستوعبها بس أقرأ النام ونصحا الفجر هدو شوي أنتو رايحين رحله واستجمام وراحة من ضغط الحياه والروتين مش رايحين كأن حد يركض وراكم ..بعدين ترتيب الرحلة مش حلو ومش مرتب..راجعوا ترتيب الايام لان المناطق في منها تحتاج أكثر وبعدين ليش تاخذون السيارة من فرانكفورت خذوها من جنيف وفكو عمركم ..وفنيسيا من ميونخ 5ساعات وشوي بالسيارة مابالك من سالزبورج والله مالة داعي ..رتبوا وبنكون وياكم انساعدكم .والسموحة

أسفة قصدي خذوا السيارة من ميونخ.

والله يا خوي أنت شكلك تحب التعب والمشاكل
تنزل فرانكفورت وتاخذ سياره وتروح ميونخ ................< ما تركب
إنزل في ميونخ واخذ سياره وروح على طول إلى سالسبورغ وجلس 3 أيام
وإلغي باريس من الرحله لانها بعيده بالسياره من جنيف ............ حوال 7 ساعات
الشي إلى راح تشوفه في رحلتك بالطريقه إلى حاطها ........... خط سريع وسيارات واستراحات وبس
وقتك كله يا نايم يا تسوق بالسياره .......... وبترجع الديره تعبان ويبيلك إجازه ....... ولا شفت شي
خلال أسبوعين بحد أقصى 3 مدن فقط للاستمتاع والراحه

والله يا شباب اولا ابي اشكركم على المشاركة ولكن شاورت اخوياي ومصرين على الفره هذي ومقتنعين اننا ما نحتاج في كل مدينة اكثر من المده المقترحه خصوصا انهم يبون يشوفون اوروبا
اما مسألة فرانكفورت بصراحة حنا توهقنا حجزنا على السعودية لان كان عندنا زياره لدكتور في فرانكفورت ونقل الى ميونخ والسعودية ما فيها رحلات الى ميونخ
كلكم ما تأيدون هالهجولة ولكن الشكوى لله حنا فيها وحجزنا فنادق على هالاساس والله يعين

بالتوفيق ورحلة سعيدة ...بس لاتنسون يوم ترجعون بالسلامة تخبرونا عن الرحلة ترانا نبي نعرف ردة الفعل بعد الرحلة.

بسم الله الرحمن الرحيم
اكتب اليكم الان من انترلكن المدينة الرائعة
وبصراحه رحلتنا كانت اكثر من رائعه واستمتعنا فيها ولم تكن متعبه على الاطلاق بل مقتنعين انها كانت مرسومه بخطه ودقه
بعد الرجوع سوف اوافيكم بتقرير مفصل عن الرحله واماكن الزياره في كل مدينة