طوارق
08-07-2022 - 02:48 am
عندي استفسار بسيط
انا ناوي ان شاء الله اروح هالسنه ماليزيا وصراحه اول مره اروح لها وكنت ناوي اذا وصلت اقعد في كوالا ليلتين في الخيول الذهبية وبعدين اروح اليبييانغ بالطيارة وبقعد فيها كم ليله وبعدين ابي اروح لكاميرون هاي لاند وقالوا مافي الا عن طريق السياره ونفس الشي من كاميرون الى كوالا فهل الذهاب بالسيارة امان وشنو احسن سياره خاصه ( يعني تاكسي ) او باص ؟.
وخاصه ان معاي عائله بس صغيره وهل توجد نوعيه من التكاسي زينه ؟
وسؤال ثاني عن فندق كراون برنسس في كوالا هل هو زيين او لا ؟ لاني ناوي اقعد كم ليله في كوالا بعد بيياننغ وكاميرون وودي على فندق زيين وموغالي حيل بس اهم شي انه فخم وموقعه زيين عند المرافق
كلامك صحيح من بيننغ لكاميرون لازم بالبر
ومن كوالا لكاميرون لازم تكون بالبر
مافيه احد اشتكى من التاكسي من ناحية الامان
لكن ما فيه شك ان الباص اكيد اكثر امان لانك تتعامل مع شركة
لكن التاكسي تتعامل مع شخص وانت طبعاً منت خبير في البلد
اما بالنسبة لأيهما أفضل فلكل واحد وجهة نظره
لكن خذ هذا الرابط راح تقرأ فيه اكثر من وجهة نظر
وراح تشوف السلبيات والمزايا ما بين الباص والتاكسي
https://artravelers.com بالنسبة لكراون برنسس
اذا كنت تقصد الفندق انا سكنت فيه ليلة كويس ولا فيه عيب واعتقد انه خمس نجوم
لكن انا نصيحتي انك تسكن اما في شارع العرب او لاصق بالبرجين
وفيه فنادق في هذي المكانين رخيصة واسعارها معقولة ونظيفة
بس انت حدد السعر اللي تبغى تستاجر فيه وانا راح اعطيك اسماء
لو عندك اي اسئلة مستعد اساعدك
ولي الشرف اخوي بمساعدتك