في البدايه أقول لك بارك الله لكم وبارك عليكما وجمع بينكما علي خيربالنسبه لجدول جنيف تبينه لمده أسبوع كامل لاني مافهمت النقطه الي قلتلي فيها (وهو قال حجزت لشهر العسل كل شيء انتي الحين عليك السفره لجنيف)

اللهم آمين
ايوا اسبوع ( 7 ايام ) فقط
اما الجمله اللي مافهمتها هذره فقط ^_^ ماعليك منها
المهم انا الحجوزات كلها علي وانا ما اعرف وش احجز ووش اخلي
ومره شكراً

راح اكتب لك مجوعة من الاماكن واختاري منها واعملي الجدول اللي يناسبك
من جنيف ممكن تزورين التالي :
1_ آنسي الرائعة
2_ مجييف وشومونيه
3_ لوزان ومنها من أوشي منطقة كورنيش لوزان تروحين ايفيان بالبوت ( الباخرة الصغيرة) وممكن تتغدين
في مطعم الموفمبيك أضافوا للمنيو اطباق حلوة خاصة الباستا والسلطات والسويت وطبعا ايسكريم الموفمبيك الرائع
4_ سوق الاحد بديفون اذا معاكم سيارة في عدة مطاعم بالقرية
5_ بيرن مجمع الويست سايد وسنتر مدينة بيرن أنا احبه وايد عشقي سنتر بيرن ويختلف الوضع حسب ذوقك
6_ مونترو
7_ مصنع الشوكولاته ومصنع الجبن مع انه بالسنين الاخيرة ما قمت اروح له بس وقت رحلتك ما اعرف بيكون مفتوح ولا لا
من المطاعم اللي احبها في جنيف
1_ المطعم الهندي في فندق ماندرين جنيف الاكل لذيذ (غالي ) لازم الحجز المسبق
2_ المطعم اللبناني في فندق برزيدنت ويلسون لازم الحجز المسبق
3_ المطعم الصيني في فندق كيمنيسكي جنيف ( نوقا هيلتون سابقا)
4_ في مطاعم تبيع شاورما لذيذة لكن ما اعرف كيف اوصف لك بالضبط ولو اذكر ما افضل اني اوصفها لأحد
تقع في سكك خطرة شوي
للي مو متعود ما أفضل يروح لها ممكن يتعرض لمواقف خطرة ومناظر سيئة احيانا
5_ مطعم مولينو الايطالي
6_ مطعم كازانوفا قرب البوريفاج احب الفوندوا السويسري والباستا والشرمب
تأكدي من مواعيد فتح الاماكن قبل زيارتها

مره شكراً يعطيك الف الف عافيه