السلام عليكم ورحمة الله وبركاته اخواني المشرفين والأعضاء في البدايه اشكر جهودكم المبذوله وارغب بالتاكيد اننا اصبحنا لا نستطيع السفر دون المرور بهذا المنتدى الرائع لأخذ المعلومات المفيده والثمينه حتى ان الأهل عند السفر معهم يسالوني انتي يايه هالمكان قبل اقولهم لا بس من كثر المعلومات اللي خذتها منكم اصبحت احفظ المكان قبل الذهاب له فشكرا جزيلا على كل النصائح والمعلومات
وبعد الكلام الحلو اللي عطيتكم اياه بقدم طلبي وياريت تساعدوني فيه مثل ما عهدناكم
هالصيف ان شاء الله مفكرين زيارة سويسرا بعد العيد بس محتاره ابدا من وين واللي متابعني بيعرف اني بقول مثل كل مره ابي مسافات بين المناطق ما تتعدى الثلاث ساعات معاي صغار وكبار السن والصغار عندهم السك نس بالسيارة يعني ترجيع وعوار راس
حابين نزور انترلاكن - زيرمات - وما ادري اروحها من جنيف ولا من زيورخ المره اللي فاتت رحت من زيورخ وبعد حسيتها بعيده
1-رتبولي الطريق لو سمحتوا واقترحولي مناطق جديدة وحلوه ممكن ازورها مع هالمناطق علما بانا بناجر سيارة وبيسوقها ابونا
2- وين نبات ووين لا في المناطق اللي بتقترحونها ( انترلاكن بنبات فيها بالتأكيد )
3- وطبعا سويسرا ما فيها وايد انشطة للأطفال فحبيت استفسر ممكن الذهاب لألمانيا بالقطار ولالازم طياره
بالنسبة للفنادق ممكن اقتراح فنادق راقيه ونظيفة جدا ( موضوع الفنادق مقدور عليه ناجله وما بتقصرون ويانا بعدين )
وشكرا للجميع مقدما وجزاكم الله خير