السلام عليكم ورحمة الله وبركاته:اخي العزيز
وجود السيارة معك في سويسرا ..شي لابد منه ولا تحرم نفسك من المتعة.
ترى الاحداثيات مرة سهلة...وهي دلالة على اماكن كلها مخزنة في القارمن او في نفقيشن السيارة
حط اسم المدينة او المنطقة ..وراح يوديك لها من غير اي تعب او هجولة.
وباعتقادي الشخصي..هل فيه سواقين بسيارة خاصة في سويسرا ؟؟ انا عمري ما سمعت...يا سيارة ..او باصات وقطارات.
اذا كان ترتيبك مزبوط للرحلة والاماكن اللي بتزورها يوميا وحدة بوحدة ..ما راح تلاقي اي مشكلة.
بالنسبة لتوزيع الايام بحسب خبرتي المتواضعة عن طريق الباصات والقطارات ..ممتاز مافيه هجولة كثير
لكن بوجود سيارة..اقترح عليك التالي:
الوصول الى جنيف..اخذ السيارة من الجانب الفرنسي.. والسكن في لوزان ..يومين.
انترلكن ..خمسة ايام
جنيف والسكن في الريف الفرنسي ثلاثة ايام..بعدها تسلم السيارة وبالقطار الى باريس
باريس وديزني لاند أربعة ايام
بالنسبة للفنادق ..موقع بوكنج فيه خيارات متعددة ..من ثلاثة الى خمسة نجوم...واختار الفنادق اللي فيها تقييم عالي.
بازل في أقصى الشمال الغربي من سويسرا..هي مدينة صناعية..حلوة ..لكن ما تستحق المشوار من انترلكن.
عندك لوقانو وجبل زيرمات أو لوزيرن اذا ودك تزورها من انترلكن.
كان أو نيس..صحيح بعيدة ..لكن يامكانك زيارتها بالقطار الفرنسي TGV من جنيف ..ومنها الى باريس
لكن راح تعيد تخطيط الجدول ..راح يصير
جنيف 3
انترلاكن 4
نيس أو كان يومين
باريس و ديزني لاند 5
بالنسبة للأماكن المميزة ..لا تشيل همها قد ما تشيل هم المخطط المبدئي للرحلة
اطلع على الرابط التالي
https://artravelers.com/p/re/51030
راح تلقى فيه كل الاماكن السياحية.
وهذا ايضا فيه تخطيط رائع لجنيف وانترلكن وغيرها
https://artravelers.com/p/re/703741
وبالتوفيق يا غالي