أخى الكريم اللزاز ......
تشكر على جهودك الطيبة .... وماقصرت فى بيان المعرفة للمساؤى والا يجابيات فى الترحال والسفر ، الا أننا ومن منطلق أخوى نتمنى من الجميع المشاركة والا لتزام بأداب المشاركة بلا تجريح أو قذف ..
ونضم صوتنا الى صوتك ونقول .. حياكم الله
ولنا عودة للموضوع بأذن الله ... من بعد رؤية مشاركاتكم الطيبة والقيمة ....
الله يعطيك العافية أخى اللزاز ......

موضوعك قميل يا قميل ...
قد يكون لي عودة ...

أسوأ شي
في مصر
هو الإستغلال
يعني لو بتدخل سوق وبتشتري شي وقيمته الأصليه 20 جنيه
فثق ثقه تامه انه ما راح يعرض عليك بأقل من 200 جنيه
العيب ان أصحاب المحلات هناك يعاملون الخليجي بأسعار مختلفه
وهذا الشي تسبب في مقاطعة الكثير في التسوق من أسواق مصر

الاستغلال مثل ما ذكر مهاجر وعن نفسي ما اشتريت الا مرتين وفي اول سفره مره من المرات كنت اتمشي بجامعة الدول وشفت لي جزمه اكرمكم الله شفت السعر ما ناسبني رجعت جده لقيت السعر ارخص بكثير والمفروض العكس ثاني شئ للا سف اللي نتعامل معهم ياحبهم للكذب علي بالهم اذا تعاملوا معك بصدق بتاخذ منهم حاجه الاشياء اللي ذكرتها من خلال زياراتي للقاهره اكيد الناس اللي بره القاهره الوضع يختلف وفي حاجه لازم اذكرها ان بعض السياح بالطيبه الزائده اعطوا الناس فرصه للا ستغلال لانهم فهموا الطيبه سذاجه وفيه ناس ودهم ينتظروك في المطار ويلهفون فلوسك لهف مع خالص حبي للجميع

اخوي الكريم الموضوع جميل وهادف
واذا سمحوا لي الشباب اللي يقولون ان التسوق فيه استغلال في مصر
المتعارف عليه في الاسواق المصريه ان الاسعار توضع على السلعه في الفترينه وتعرض على الجميع مصري او سائح وهي غير قابله للمفاصله
ان اقول الكلام من خلال خبره 20 سنه مصر
تحياتي

1. دول الشرق والغرب ... ولكن في مصر تفشت الظاهرة لدرجة : الاشمئزاز :112:


2. واليكم بعض ما حصل لي (( لاحظو زيارتي يومين فقط )):


3. للاختصار عليكم بذكر اخر موقف :

موضوع مهم :
انا حصل لي الشرف ورحت لام الدنيا مصر
والحمد لله كانت رحلة ممتازة جداً رغم انها (( يومين فقط ))
ولكن في هاليومين اكتشفت (( عادة سيئة )) سمعت عنها في شقيقتنا مصر
ورايتها بام عيني وهي : البخشيش
فمن المعلوم ان البخشيش موجود في اغلب الدول العربية ولكن بحدود الادب
والكل منكم يعرف ايضا ان عادة ( البخشيش ) اصبحت موضة سياحية حتى في

دول الشرق والغرب ... ولكن في مصر تفشت الظاهرة لدرجة : الاشمئزاز :112:

واليكم بعض ما حصل لي (( لاحظو زيارتي يومين فقط )):

1- اول ماوصلنا المطار واسترحنا في الصالة بانتظار صديقنا المقيم هناك ,, اظطررت اكرمكم الله اروح للمغاسل وتخيلوا انني وانا في طريقي للحمام ( يمشي بجانبي عامل النظافة المصري ) بالكلمات المعسولة وانته الباشا وانته ...... حتى انه كاد ان يدخل معي الحمام (( طبعا انا مارديت عليه ولا كلمة لاني خابر هالشيء )) المهم يوم طلعت الا هو قدامي ويفتح لي صنبور المغاسل ويسحب لي المنديل حتى انه بغى يكسر علبه المناديل اللي فالجدار خلصت وعطيته (( 5 )) جنيه
وانا طالع من الا قدامي العامل الثاني ( الحمد لله عالسلامة ياباشا سلامات الاصفار ))
واطلع ال((5)) جنية الثانية واعطيه اياها .... عاد رجعت لاخوياي في صالة القدوم ووراي سرب من عمال النظافة هذا اذا ماكانوا جميعهم ....
(( انتبه لي احد اخوياي وقالي شف اصرف لك 50 جنية من فئة ( 1 جنيه ) وخلها بجيبك مطرفة عشان هالمواقف )))
2- وصل خوينا اللي استقبلنا فالمطار وكان مستأجر جيب شيروكي 2005 وحنا طالعين معه للسيارة انتبه لنا العسكري حق المرور خصوصاً ان حنا لابسين (( الزي السعودي الرسمي )) وهو يصفط الدباب قدام الجيب ويقول لخوينا موقفك خطأ (( عاد تدرون وش هالخطا)) والله ان تضحكون يقول ماتركت مسافة كبيرة بين كفرات السيارة الخلفية والرصيف خوفا على حياة (( الزواحف مثل النمل من كفرات الشيروكي )) عاد خوينا مايحتاج عايش معهم طلع 10 جنيه وعطاه .
3-وصلنا فندق الهليتون رمسيس وجاء واحد بيشيل الشنط (( عاد من كبرها )) شنطة يدوية مافيها الا ثوب نوم وفوطة وانا امسكها في حظني قسم بالله تقول ان فيها مليون دولار !! عشان الجنية يبقى في جيبي
4- جينا عند الاصنصيل وانطلق هاك الزكرتي تبع الفندق وهو يظغط على الاصنصيل بقوة يقاله يخدمنا ويوم فتح ويركب معنا وحنا نضحك فيما بيينا بدون مايشعر لين وصلنا الغرفة وصكينا الباب في وجهه ...
5-تعشينا بالغرفة ونزلت للبهو عشان اطق لي راس شيشة ورجعت للغرفة يمكن لو اقول اللي صادوني بالطريق 5 اشخاص كلهم يبون بخشيش اكون ظلمت نفسي ؟؟؟ ولكن ماشدوا ولا قرش

للاختصار عليكم بذكر اخر موقف :

6- يوم الجمعة كانت العودة 6 مساءً لاخوياي اللي معي فقط .. اما انا من سوء حظي فكان حجزي الساعة 1 ظهراً عالخطوط المصرية عشان الزحمه .. المهم طلعت من الفندق لحالي الساعة 11 الضحى قبل صلاة الجمعه بساعه واخذت تاكسي تبع الفندق (( مجانا )) لكن السواق كسر خاطري بكثر المدح فيني والله ياهو نفخ راسي لين شكيت اني (( وزير المالية السعودي )) عشان
ال(( حلاوة )) وعطيته المقسوم 3 جنية

احسن طريقه لتفتك من الطرارين والبلاشات
هي انك تعمل كانك اطرم يعني حاكهم بالاشارة هالطريقة مجربها في مصر وفي سورياء
صحيح يبون يحقدون عليك لانهم يدرون انك تلعب عليهم بس لا يهمونك وطز بهم وبحقدهم

مصر حلوه وأحلى ما فيها المواقف التي تحصل فيها
ذهبت لها الصيف الماضي ومعي اثنين من الزملاء
أثناء العودة من مصر ذهبنا للمطار متأخرين وعند دخولنا المطار تفاجأنا بزحمة غير طبيعية في صالة المطار , قصينا البوردينق بعد جهد جهيد ولكن المشكلة في طابور الجوازات !! ست طوابير وكل طابور يوصل لآخر المطار !! ياولد وش نسوي ووش الحل , إذا صفينا طابور بتروح علينا الرحلة ما فيها كلام !! قلت للشباب هاتوا دوازاتكم بدخل من وسط الطوابير وأكلم موظف الجوازات وأشرحله الموقف ! شقيت طريقي من وسط الصفوف وجميع الأنظار متجهة صوبي ,, وقبل أوصل لموظف الجوازات صاح علي واحد من اللي صافين طابور وقال يابيه وصاح اللي جنبه واللي جنبه واللي وراه واللي ورى وراه !! المهم وفي ثواني بس لقيت نفسي في موقف لا يحسد عليه ! واقف بين الصفوف واللي بالصالة كلهم (ست طوابير) يصيحون ( هيي هي هي ) والشباب بالآخر ميتين ضحك علي !! وبصراحة ما قدرت أتحمل الموقف ورجعت للشباب !!
المهم اننا دبرنا نفسنا ولحقنا الرحلة بس لا تنشدوني شلون ؟؟

مصر جميله ورائعه بلا شك
لكن سلبياتها كثير