مرحبا اختي ملاك ..
ذكرتيني في نفسي سنة 2007 ...
جزيرة بي بي ايلاند ... او البعض يلفضها في في ايلاند ...
تقدرين تروحين لها من بوكيت او من كرابي او حتى من جزيرة سوموي .. بس راح يكون بعيد .. لان الاجرب لهذه الجزيرة كرابي وبوكيت .. طبعاً كرابي تعتبر منطقة ساحلية اما بوكيت تعتبر جزيرة
وطريقة الذهاب لهذه الجزيرة بي بي ايلاند عن طريق القارب السريع او المركب الكبير .. وانا انصح بالمركب الكبير لان يمشي على بطئ وتقدر تصورون وتأخذون راحتهم .. لكن مايعيبه بعض الملل لكن بتحسون بالمتعه لما توصلون لمكان حلو للتصوير والخ ...
وطبعاً على حسب اختيارك للرحله في بعض الرحلات قبل لا تروحون للجزيرة يمر فيكم كم جزيرة قبلها للغوص ومشاهدة الجزيرة والاسترخاء في مدة 30 - 40 دقيقه
وعن الاسعار يتراوح مابين 800 بات الى 1500 بات ..
وان شاء الله باقي الاعضاء يفيدونك اكثر ...

هاذي الجزيره اشهر من نار على علم عرفت اسمها قبل اسافر قبل اسافر تايلند من سمعتها الشهيره ويقال انها افضل جزيره

والله يا ملاك2011 لا تطوفج الجزيرة حلوة لبعد الحدود

ابراهيم السبيعي
السبيعي هل صحيح ان الجزيرة ماتصلح للحريم اللي يتغطون لان واحد من الاعضاء يقول ماتصلح لهم و
شالسبب اللي خلاه يقول هالكلام ؟ هل قصده ان العباية لاصارت عليهم او الحجاب مايقدرون ياخذون راحتهم ولا قصده نظرة الاجانب اللي في الجزر ولاكيف ؟؟
الحمدلله نسافر وبنقاباتنا ولثاماتنا وكل شي نروح له اللي عاجبه اهلا وسهلا واللي ماعجبه الغطا بالطقاق

الجزيرة حلوه ولكن لاتصلح للاقامه الطويله يعني ليله وحده كافي عليها .
وبالنسبة للنساء انا شخصيا ما اشوف فيها شيء صحيح ماجربتها ولكن دايم اشوفهم مبسوطين ومرتاحين .
تحياتي

ياجماعه انا شايف حريم ما شالله عليهم عبايتهم و الوظع جداُ عادي
جزيره تستحق يومين بالكثير

يمكن القصد ان لازم تركب القارب المطاطي او تنزلون في الماي .. وتتطرون لرفع العباية .

arabsbyte
ماراح تكون عباية عادية اكيد بيكون شكلها مثل الثوب العادي تقريبا و يصير تحتها بنطلون عشان ناخذراحتنا لو ركبنا قارب اودباب اوغيره

ياجماعه عادي اهم شي عباية عليها ام البنطلون تحت العبايه جداً عادي علشان تتحكم لحظة ركوب والنزول من القارب لان راح تنزلون عدة اماكن كل مكان يمكن اكثر من نص ساعه