السلام عليكم ورحمة الله
شف اخوي ,, انا اخذت تكسيين انا وعائلتي عددنا 7 اشخاص الي ميناء قبطاش كلفتني التكسيين 16 ليرات واشتريت تذاكر للعباره ذهاب وعوده 4 ليرات الشخص الواحد .. وركبنا حنطور 35 ليره والغداء كلفني 64 ليره ..اعمل طريقتي وتوفر لك مبلغ كبير جدا
انا من وجهة نظري ان الموضوع لا يحتاج لامكتب سياحي ولا مرشد الامور واضحه جدا مع العلم ان هذه اول زيارة لي لتركيا ,, المجموع 143 ليره يعني للكل
تحياتي

صبح صبح
العرض ممتاز اذا كان لشخص واحد فقط
لأكثر من شخص فاعما كما عمل الفاضل ميزو في رده اعلاه

almezo
صح كلامك

شكرا لكم جميعا
وسوف اترك القروب
بس ياليت تخبروني بمواعيد السفينة وكيف احجز
شاكراً لكم

صبح صبح
الموضوع ما يحتاج حجز
اذهب اللى ميناء قبطاش .. اشتر تذاكر واركب .. انا طلعت على رحلة 3.5 ورجعت على رحلة 8.45
وانا اعتقد ان هذا الوقت مناسب
بالتوفيق ان شاء الله

انا توني راجع من جزيرة الاميرات .. الصرااحه تعبت بشكل كبير وانا ماشفت فيها اي شي يستاهل الواحد
يتعب عشانه .. انا حجزت عن طريق مكتب سياحي 60 دولار للفرد طلعت من الفندق الساعه 9 وربع
واخذني الباص الى المينا عااد هني شفت العجب شفت زحمه لا لها اول ولا اخر وقفت بالسرى
ودخلت الباخره .. عااد لافيها مكيف ولا فيها اي شي من الراحه وتشوف اللي يعرض بضاعته للبيع
ويحاول معاك ستين الف مره عشان تشتري منه ياخي انا ماابى اشتري غصب يعني ههه
المهم الباخره وقفت في اربع موانئ والخامسه نزلنا فيها ..
نفس العمليه زحمه زحمه زحمه .. طلعنا من الباخره وصادفتني مشكله مع الشركه
لازم يكون في الحنطور اربع اشخاص .. كيف ياجماعه حاجر انا وزوجتي مااريد حد معاي
قالو هذا قانون الشركه .. شو اسوي امري لله عااد شفت عجوزتين من الاردن قلت ركبو معانا
وتحرك الحنطور يلف الجزيره ماشفت فيها شي مميز .. ورجعنا ورحت للمطعم عشان اتغادى
ترى الغدى على حساب الشركه يعني دافع حق الغدى والله والله ياجماعه اني يلست تقريبا ساعه ونص
على ماوصل الطبق الرئيسي محطين المقبلات تقريبا ساعه عاد الله والمقبلات الا صحن سلطه
والاكل ماعجبني بالمره .. اسم المطعم Lido خلصت الغدى ولفيت اشويه على المحلات تقريبا عشر دقايق
ورجعت الى اسطنبول .. هذي وجهت نظري يمكن في ناس تعجبهم الرحله ..
اخوي صبح صبح اسف لاني دخلت على موضوعك وسردت قصتي .. ترى من القهر ههه
انا احس 50 دولار سعر مناسب واسمحولي على الاطاله

شكرا لك اخي حسن الحمادي
لقد افتني كثيراً

رحلة موفقة ولاكن العرض باهظ اذا كانت معك عائلة ولهذا انصح بالذهاب بمفردك ولاكن اذا لم يكن معك عائلة فالعرض جيد

والله لا تستاهل الذهاب إليها تركب الحنطور وتأكل وترجع والجو حار فيها .