يسرني ان اوضح للاخوه المسافرون لبلاد العمه ما حدث معي في مطار جاكرتا اثناء استعدادنا للسفر للرياض انا والعائله على متن الخطوط السعودية*
ففي تاريخ 15/7/2006م وبعد ان مكثنا في اندونوسيا مايقارب 16 يوم كانت على خير مايرام وبعد تاكيد الاياب للرياض قدمت وعائلتي للمطار قبل الاقلاع باربع ساعات وقبل الرحله بساعة حدث مالا يحمد عقباه فبعد وصولنا لكونتر الجوزات للخروج التفت علي أحد الاشخاص العاملين في الجوزات في الكونتر وقام يتكلم كلام واجد لا أعرفه سالته هل تجديد اللغة الانجليزية تمتم وطنشني وصار يتكلم مع موظفه في الكونتر وقاموا يطالعون في المهم السرى قام يمشي وانا متكي على جنب الكونتر أشوي جاء الضابط وأشروله علي نصاني وهو نفسه شينه واخذ جواز الشغاله معه وجوازي وتوجه للمكتب حقه( بعد الجوازات وانت داخل) قلت للعائله الحقوني للداخل سالتني ام العيال خير قلت والله مادري ايش السالفه المشكله الخادمه جديده ولا تعرف عربي حاولت معها ترجم بس ماعندك احد تصدقون اول مافكرت فيه ان الخادمه مقدمه شكوى فينا ياولد تفقد نفسك يمكن صاير شي مع ام العيال والخادمه أو العيال . قالوا والله ماقلنا لها شي وانا راجع لمكتب الظابط كان باقي على الاقلاع حوالي ربع ساعة والمذيع الداخلي يصوت باسمي والعائله ويقول ترى بنقفل البوابة والله الورطه المشكله بعد ان جميع الملابس قد شحنت في الطائره رجعت للظابط بس وانا راجع قابلني أحد الاخوه السعوديين وكان أخر المسافرين المتجهين للطائره ومعه عائله فقال لي أشوفك رايح جاي وش السالفه شرحت له السالفه فاشار علي بان الخادمة يمكن يكون قد اشتكت او شي فنصحني بان تذهب العائله للطائره وتقلع للرياض وان اقوم بالاتصال بالسفاره قبل الرجوع للظابط ذهب هذا الاخ ألى عائلته ورجع لي وقال انا ساجلس معك ولقد وصيت عائلتي وعائلتك بالجلوس مع بعض طلبت منه الذهاب وانني سانهي المشكله وساحجز على اقرب طائره ولكن أصر على البقاء معي في هذه اللحظه ورد اتصال من عائلته من داخل الطائرة بان الامور على مايرام . ذهبنا للظابط والخادمه معنا بعد حوالي ساعه ونصف حضر مندوب السفاره للمطار كان أسمه محمد العتيبي وكان جالساَ مع الظابط حين دخولنا لمكتب الظابط رحب بنا وقال من هو كفيل الخادمه قلت انا قال ما تعرف النظام قلت لاوالله وش سويت طيب قال لي ماسويت شي دار في بالي بانني جبت العيد بس شف المصيبه وشي كررت السؤال عليه فقال ضاحكاً وين عائلتك قلت ذهبت في الطائرة بعدها تكلم مع الظابط باللغة الاندونوسيه قلت ايوه عزالله الي ورطنا خمس دقائق وبعدها قال يالله طلعنا قلت وين قال للخارج قلت يابو حميد طيب وش السالفه قال بسيطه ياشيخ بس امش اركب انت وخويك وافهمكم الهرجه وحنا رايحين للسفاره قلت يابو حميد ترى الشغاله لي والرجال ماله شغل فيها ترى الاجودي فازع معي قال طيب طيب قال يابو خالد الشغالة أذا دخلت زياره لازم تسجلها في مركز الشرطة قدوم ويعطونك اوراق بانها ماتطلبك أي شي وانها نظامية وانت ماسويت هذا كله ويفترض بك أول ما وصلت سجلتها واليوم الجمعه والوقت متاخر ولازم يوم الاثنين تخلص اوراقها ونحن سنحاول في الصباح والله يقدم الي فيه خير ماقصر ابو حميد عشانا في السفاره ونمنا معهم والصباح كلم كم واحد وخلصولنا اوراقنا وبقاء الحجز وربي وفقنا في الحجز على الجاروده وما صدقت أقلع للرياض وت وبه أخذ الخادمه معي