qween
04-09-2022 - 01:55 pm
السلام عليكم ورحمة الله وبركاته
واجازة سعيدة للجميع ، المسافرين عساكم ارتحتوا برحلتكم ؟
والي ماسافروا حظ اوفر السنة الجاية او الأشهر الجاية
من كثر حبي للسفر والقراءة عن الأماكن السياحية ومن لهفتي لزيارة استراليا ، عملت بحث وصدفة لقيت هالموقع ، تصفحت المواضيع الي فيه ولقيته روعة روعة ، والمشاركين فيه على مستوى راقي من الأخلاق والثقافة ..
وهذا اول موضوع لي ، وأتمنى ماتردوني وتجاوبوني ععلى استفساراتي
ماهي أفضل الخطوط الجوية المناسبة للذهاب الى استراليا ؟؟ ( في مستوى البريطانية والهولندية )
وكم تكلفة التذكرة تقريباً ، عارفة تختلف من شركة لشركة والأسعار غير ثابتة ، لكن كل واحد يكتب لي حسب خبرته خاصة اذا كان سافر استراليا قبل .
كم عدد الأيام المناسبة للبقاء بهذه القارة الجميلة ؟ 20؟ 30؟
كم يكلف السكن؟ سواء غرفة مزدوجة بالفندق؟ او شقة ؟
وهل الرحلات السياحية مكلفة؟
والتنقل من مدينة لمدينة عن طريق القطار؟ او الطيران؟
مثلا من سيدني الى قولدكوست
انتظر منكم التلطف بالاجابة يا أهل الخبرة :x1:
انا راح افيدك بالي اعرف والي مااعرف.. اخوانا ماراح يقصرون..
الصيف هذا رحت لاستراليا.. وكتبت موضوع عنه لو تروحين تقرينه..
حنا رحنا على خطوط كاثي باسيفك بحدود 5 الالف ريال سعودي..
وقعدنا 30 يوم كله بقولد كوست ماطلعنا ولا شبر!!
بس ملينا شوي! لو تقعدين بقولد كوست 20 يوم او 15 يوم مره حلوو
لان هي بلد ترفيهي وسياحي توسع الصدر..
واذا كنتو عائله كبيره يفضل انكم تاخذون شقه اريح لكم
وكل شقه تختلف عن الثانيه تلقين الليله ب100 وتلقين ب500 وتلقين اشكال وانواع
واذا كان قصدك بالرحلات السياحيه.. هي الملاهي عندهم مثل الدريم وورلد وموفي ورلد وسيي وررلد..
اسعارها مرتفع شوي!
وان شاء الله اكون افدتك وحنا تحت الخدمه