هلا أخوي ابو حمود
والله يعينك الجدول قصير واعذرنا على القصور .. لكن بمشيئة الله ابقولك على مناطق معينه عللها تفيدك
نصف اليوم الأول : انصحك بالراحه في الفندق واذا حسيت بنشاط وتقدر تطلع عندك منطقة شيشلي فيها مطاعم ومول جواهر .
اليوم الثاني : السوق المصري وجسر جلاطه وتحت الجسر مطاعم الاسماك وأيضا رحلة البسفور بالبوت البحري و أستينا مول .
اليوم الثالث : أيا صوفيا وقربها مطاعم السمك المكشوفه عالبحر ومتحف توبا كابي والسوق المسقوف . وممكن الأستغناء عن المتحف والسوق المسقوف والذهاب لجزيرة الاميرات تاخذ منك حوالي 6 ساعات عن طريق ميناء كابتاش قريب من أيا صوفيا ايضا ومطاعم الاسماك .
نصف يوم الخميس : المسجد الازرق وشارع الاستقلال حتى الساعه 3 عصرا ومن ثم التوجه للفندق لأخذ الشنط و للمطار مباشره وفي رعاية الله وحفظه .

الله يحفظك يا قيصر واسم على مسمى ، بالنسبة للاسوق مهب أكبر اهتمامي وذلك بسبب أن لي سنتين بامريكا وسنتين بكندا ومال من الاسوق،
طيب وش رايك في نصف اليوم الأول اروح أتعشى في أحد المطاعم اللي على البسفور؟
ثاني شيء ما عليك أمر ابي مطعم حلو مطل على البسفور وتكون اسعار مو غاليه مرة؟
الباصات والمترو هل هي اقتصادية مقارنة بالتاكسي ( مع العلم انا احنا 2 كبار و2 صغار ) بعدين اخاف اضيع وفي الاخير اخذ تاكسي
بعدين انا ناوي باذن الله احجز عن طريق برايس لاين ( اللي تحط سعرك وانت واحظك بس خصوماته تصل الى ستين في الميه انا مجربه اكثر من مرة) يوم في تقسيم ويومين في السلطان أحمد منها اغير فندق ومنها اكون قريب من الاماكن اللي ابزورها
والله يحفظكم ويرعاكم بحفظه ورعايته

والله شف اذا تبي مطعم شعبي بس اكله روعه وما راح تنسى اكلة الخروف المشوي عالجمر عندك ( مطعم tat 7 ) وهذا موجود في أكسراي قرب الساعه عالشارع العام اتاتورك لوحته خضرا
بس اذا تبي البسفور عندك المطاعم اللي تحت جسر غلاطه مطاعم اسماك تهبل .
بالنسبه للمترو والترام هم ارخص شي وافضل وسيله
والباص يحتل المرتبه اللي فوق الوسط بس التاكسي لا تستخدمه اللا عند الضروره وكاسره في البدايه واتفقوا على سعر ولا تستخدم العداد .. وغير كذا التكاسي اسعارها غاليه اقل مشوار ب 25 ليره .
اختيارك 1 تكسيم و 2 السلطان احمد .. جدا روعه وموفق انشالله .

1. الله يطول عماركم على طاعته ويجزاكم الف خير كلكم يا قيصر ويا اجيدان،


2. قيصر اشكر على توضيحك ونصائحك اللي تكتب بماء الذهب

الله يطول عماركم على طاعته ويجزاكم الف خير كلكم يا قيصر ويا اجيدان،

قيصر اشكر على توضيحك ونصائحك اللي تكتب بماء الذهب

اخوي ايجدان اشكرك من كل أعماق قلبي على ردك وتجاوب مع استفساري ، لكن اشوف المنتدى دائما يحذرون من العرب (ليس معنى هذا ان كلهم نصابين ) ولزملائي تجارب سلبية مع في العديد من الدول هذي نقطة ، النقطة الثانية انا معي عائلة وهذا بيجلس فوق راسي وخوصا انه يفهم عربي ، بالاضافة اني ابستحي انا اكل وهو لا ... وبعدين بدال ما كنت احاسب عن 2 اصير احاسب عن 3 وبعدين انا المدة اللي انا جالسه كلها 3 تقريبا ولا تعتقد اني غشيم ... تراني مسافر اكثر من 15 دولة وحاليا ان مقيم بكندا....
اخواني المشكلة هي اني لما اسكن بالفندق ودي اعرف من وين اقص او اشحن التذاكر وبكم اشحن وكم رقم المحطة اللي بركب منها ووين انزل واذا جيت ارجع نفس الشي ( تحركاتي لازم تكون مدروسة ومحددة لاني معي عائلة ولا احب ابهذلهم ) لذلك احتاج خارطة تبين الشوارعاللي تمر فيها وارقام المحطات، فاين احصل هالخرائط ( هل من الممكن احصلها على النت،) بالاضافة الى اني باذن الله بيكون معي القارمن (جي بي اس) حقي عشان يعلمني ويني فيه بالضبط
طبعا انا الى الان ما ادري وش اسم فندقي...
.
النقطة الثانية افضل خطة لركوب سفينة في البسفور وكم مدتها وهل الافضل من تقسيم ولا من عبدالحميد، وهل الافضل في الليل ولا النهار ، وهل فيه مراكب بالغداء او بالعشاء
هل فعلا جزر الاميرات تحتاج الزيارة؟
شكلي طولتها وهي قصير
وشكرا

اقتراحي لك بما انك ماتفضل الاسواقيوم الوصول : منطقة اورتاكي
2 : قصر الدولما بهجه - جولة مضيق البسفور - مساء تقسيم
3 : الجامع الازرق - توب كابي - الجراند بازار
4 :منطقة فلوريا قريبه من المطار يوجد بها حديقه عامه واكورايم
للمعلموميه لم ازور تركيا لكن حسب قرائتي لكثير من مواضيع الاعضاء

الله يجزاكي الف خير ويبارك فيكي ربي ياختي ام دحوم

تامر امر يا ابو حمود :
بالنسبه لرحلة البسفور من عبدالحميد اقرب لك على ميناء امينونو واللي عن طريقه تحجز على رحلة البسفور تحت جسر غلاطه .
بالنسبه لرحلة جزر الاميرات ( بيوك ادا ) ترا ماهي لذيك الزود بس بعض الناس يحب يقول انا شفتها .
وفيه اكبر مدينة ملاهي باسطنبول بتفتح قريب ممكن يمديك تلحق عليها شبيهه بالمدن الكبرى في العالم يعني اخت دزني لاند الصغيره اسمها ( VIALAND )
وموقعها في اسطنبول في منطقة أيوب الجانب ألأوروبي للمدينه .
وبالنسبه للتنقل يمكن يفيدك هالرابط قامت بالمتابعه والنقل أختنا وصديقة الموقع ريم لبنان مشكوره على المعلومات القيمه وكل من ساهم معها .. الله يجزاهم بالخير :
الرابط _ ( https://artravelers.com= )