السلام عليكم ورحمة الله وبركاتة ..
حبيت اطرح لكم جدول سفرنا لماليزيا .. (ايام شهر العسل ) للاستفادة ..
حجوزاتنا كانت عن طريق مكتب سياحي بجده ( صاحب زوجي ) ..
راح اتكلم بالعاميه عشان تعيشون معانا الاجواء ..
تسافرون من هنا على كوالالمبور ..
اول ماتوصل المطار خذ لك شريحه ماليزيا اسمها تليكيوم .. رخيصه وحلوة ..
روحوا من كوالالمبور على بينانج ( خلي لها 4 ايام و5 ليالي تكفيها )
على طيرانهم الداخلي( اسمه اير ايشيا )
بينانج فيها معالم حلوة ( السوق الليلي .. حديقه الفواكه .. حديقه التوابل ..
حديقه الفراشات .. الاسواق )
في فندق مرره حلو اسمه بيفيو بيتش ..
ومن هناك اطلب رحله بحريه الى الجزيره حقت العرسان
تكلفت الرحله 300 ريال .. فيها شوي سمك وربيان وركوب دباب بحري..
كمان فيها مصنع الشوكولاته .. لاتفووتكم شوكولاتتهم اللي بالبندق والقهوة المحمصه والقهوة اطعم شي بجوز الهند .. وشاهي الليمون روحوا كمان الهضبه شوفوا القطار المعلق .. تجن
فيه مصانع النسيج بصراحه مامدحووها .. انا مازرتها ..
استمتعوا ب مساج الارجل بالسمك < لايفوتكم
بعدها احجزوا على لانكاوي بالبحر.. بالفيري .. خلوا لها 3 ايام ..
فندق لانكاوي لاقون .. رائع وهادي .. طبعا كل الفنادق شامله الافطار ..
فيها عالم ماتحت البحار .. حلوو مرره .. وفيها بررضوه اكبر حديقه فواكه بماليزيا ..
فيها التلفريك بس لوكان وقت امطار مايركبونكم فيه ..
بعدها احجزوا على طيران ايشيا على كوالالمبور خلي لها 7 ايام ..
احلى فندق برجايا تايمز سكوير احنا كنا ببرج بي ..
فيه 15 دوور كلها اسواق وملاهي.. عندهم بيتزا بابا جوونز طعمها غير اللي هنا يجن
روحوا البرجين التوام .. وروحوا سوق سيريا فيه سينما .. روعه افلامهم وكمان فيه كوفي شوب اسمه اي لاف يو ( الكوكيز حلو مرره)
شارع العرب هناك قريب من الفندق 5 دقايق يمكن حلو عندهم مهرجانات كل جمعه وسبت .. فيه مطاعم عرربيه كثيره .. انظف شي (الطربوش )
روحوا يوم من الصباح جنتنق ..( مدينه بارده وكلها ثلوج )
خذوا لبس دافي .. كلها ملاهي دخلتها من 9 صباح ماطلعت الا 9 ليل ولاخلصتها العابهم جنان ..
اليوم الثاني لوتبون روحوا لسلانقور .. حلوة مرره بس حقها يوم واحد يكفي .. فيها عررض النوافير الناريه والمائيه
اركب القارب وتجوول ع المدينه ..
اذا تبي هدايا واللذي منه .. خذ من بينانج ارخص شي ..
الكتكات روعه عندهم طعمه غير .. كوكا كولا فانيليا لايفووتكم ..
لاتكثر ملابس خذ لك 5 جنزات .. ولكل جنز تيشيرتين ..
خذ جاكيت داافي عشان جنتنق..
معليش لو الجدول مخربط بس انااول مرره اسوي جدول حطيت لكم كل حااجه تقدرون تستفيدون منها ..
فيه منطقه (الكاميرون ) صديقاتي مدحووها انا مازرتها والله اذا تبون تروح لها .. فيها مزارع الشاي والفراوله ..
احجز الفنادق من هنا وكل شي ارخص لك واحسن لك ..
اصررف لك حول 5000 ريال حولها للرنجت .. ولدولار .. لان الفنادق يطلبون منك تامين بالدولار ..
في بينانج على الشاطي يركبون الخيل اذا انت من هواه ركوب الخيل ..
الفنادق اللي اللي ذكرتها من جد روعه ترى وفخمه .. صح 4 نجوم بس بفخامه 5 نجوم عندنا ..
اذا ودكم تنامون بسلانقور .. احجزوا في الخيول الذهبيه .. قولدن هوورس ..
لازم تنظمون وقتكم انكم من 6 الصباح تطلعون تفطرون وتخرجون تتمشون لانهم الساعه
8 اغلب الاماكن تقفل ..
اخيرا اتمنى لكم الفائده .. دعواتكم لي بالذرية الصالحة .. ولي ولزوجي بالسعادة الابدية ..