وعليكم السلام
مرحبا استاذي
من ناحية الجدول بصراحة اشوفه متعب جدآ + انه في شوية لخبطة
من ناحية جنتنق الله يعينك خلاص طالما مالها رجعه لازم تنزل في الفندق
وافضل جدول ممكن تعمله انه يكون
سيلانجور يوم ترتاح وممكن تطلع لو في وقت بعدها تطلع على بينانغ وتكمل ماتبقى في الجدول
بينانغ يومين
كاميرون يومين
جنتنق يومين
كوالا 3 ايام
على حسب الايام هذا افضل شيء انا اشوفة وان شاءالله كمان باقي الاعضاء يفيدونك
تقبل مروري
اختك في الله ... هنو

عليكم السلام
ما قصرت الاخت المميزة ( هنو )
توزيعك للبرامج بهذه الطريقة فى نهاية الرحلة راح تقول ( من طفى النور ) !!!
المهم عزيزى
حاول تلحق تصلح بعض التواريخ ...
اول خطوة راسل اوتيل جنتق بتعديل تاريخ الحجز ان امكن مع توضيح الخطأ الذى قمت به ( لعلهم يتفاعلون معك )
او تضحى بالمبلغ المدفوع اذا لا يقلق هذا الامر !
و انسب برامج لك لمدة 10 ايام
2 يوم سيلانجور
3 يوم بينانج
2 يوم الكاميرون / جننتق
3 يوم كوالالمبور
رحلة موفقة

اختنا ( هنو )
وحبيبنا القدير العم ابو عبدالله
ما قصروا الله يعطيهم الصحه والعافيه
بالمفيد والرأي السديد
فعلا الحجز الغير مسترد احيانا يكون مزعج ..
لكن ان شاء الله ان مشكلتك مو صعبه .. وهي اصلا مو صعبه ..
فلا تشيل هم ..
هذا توزيعك مع ملاحظة ان ايام جنتنج ثابته حسب كلامك
2 كوالا
2 جينتنق3 كاميرون2 بينانق1 بورت ديكسون
ام انا اشوف ( وطبعا رائيي شخصي )
1- (كولالمبورليلتين + جنتنج ليلتين( حجز غير مسترد) + لنكاوي 3 ليالي + بينانج ليلتين + بوردت ديسكون او كوالالمبور او سيلانجور ليله ) = 10 ليالي
او
2- ( كوالالمبور ليلتين + جنتنج ليلتين ( حجز غير مسترد ) + بينانج ليلتين + لنكاوي 3 ليالي + بوردت ديكسون او كوالالمبور او سيلانجور ليله ) = 10 ليالي
بالنسبه لي اميل اكثر الى التوزيع التالي ( طبعا باعتبار ان جنتنج ثابته )
( كوالالمبور ليلتين + جنتنج ليلتين + لنكاوي 5 ليالي + سيلانجور فندق المطار ليله واحده ) = 10 ليالي
موفق

اقتراحي عليك تلغي جنتنغ حتى وان دفعت فيها
بما ان الالعاب الخارجيه مغلقه وراح تطفش فيها صراحة اذا كان سعر الحجز بسيط
وتذهب الى لينكاوي وتلغي الكاميرون
ويصير جدولك كالتالي
2 سيلانجور
3 لينكاوي
2 بينانغ
3 كوالا
وبتكون غطيت معظم الاماكن
والله يوفقك ويعوضك خير

هلا اخوي
انت من وين حاجز الفندق
انا بالغلط حجزت في هولدي ان بياننغ كنت ابي مسترد وما انتبهت وسويته غير مسترد
كلمت بوكنق وقالو 24 ساعه نرد عليه بعد ساعتين كلموني انه الفندق وافق علي الالغاء بدون رسوم
انت حاول مع الفندق والموقع الي حجزت منه
وعدل جدولك عشان تستمتع ومايكون تعب عليك

أخوي وعن تجارب كثيره مع بوكيينق راسل ادارة بوكينق تراهم جدا متعاونيين وبين لهم أن أخطأت بالحجز وتبي تغيير
وكم من مره أخطأت وراسلتهم الايميل ورجعوا اتصلوا علي بالجوال وتاسفوا مني مع ان الخطا مني
جرب منت خسران شيئ

شكرا لتفاعلكم جميعا ارسلت لبوكينج والفندق رفض قلت لهم بعدل التاريخ وبرضو رفض ما صدقو على الله
وكأنهم يقولون هو دخوول ال احم احم زي خروجه
جيتنق حلوه وبستمتع ولا راح تكون عائق ان شاءالله
بس انا حاجز جينتق في اليوم الثالث والرابع واغلب الاقتراحات ما تركب
جدولي الاولي
كوالالمبور 2
جينتق 2
كاميرون 3
بينانق 2
بورت ديكسون 1
وصراحه مو مقتنع في بورت ديكسون افكر امدد في بينانق وارجع طيارة يوم الرحله الصباح واروح للمطار الدولي على رحلتي الساعه 3 العصر وش رايكم ؟

كوالا لمبور يومين
جنتنق يومين
كاميرون يومين
وبعدها بينانق ثلاث ايام
اخر يوم سيلانجور
انصحك اذا المبلغ مو كبير انسى موضوع الحجز وسو جدول جديد
لان جنتنق حقها يوم كامل بدون اقامه
وحتى تستمتع برحلتك بعض الخساره تعوضها بشي جميل لاتجبر نفس على رحله متكلف فيها من البدايه لان رحلتك بتكون متعبه كل رحلتك بريه شوف المسافات اللي بتمشيها
يعني اعمل حساب لموضوع المواصلات
الله يسعدك ويسرها لك

Wael986
لا كاميرون تستحق 3 ايام ولا بورت ديكسون تستحق العنا
ليلتين كاميرون كافيه
وبينانق تستحق هاليوم
واليوم الاخير اما في سيلانجور او كوالا لمبور على حسب ماتشوف
اعتقد كوالا ارجح بحكم الهدايا وسيلانجور لاضافه متعه جديده قبل السفر
وبالتوفيق