بسم الله الرحمن الرحيم
السلام عليكم ورحمة الله وبركاته
كل عام وانتم بخير جميعا
الله يتقبل منكم صالح الاعمال
انا كنت مسجلة من زمان باسم ثاني وللأسف عيا يفتح
فاضطريت اسجل مرة ثانية ...
لأن من جد ما اقدر استغني عن هالمنتدى
عموما انا عندي كم استفسار
وابيكم تجاوبوني بليز
وابي اجابات وافية الله يسعدكم
انا ان شاء الله مسافرة في تاريخ 25- سبتمبر
والعودة 6 اكتوبر
3 اشخاص
خطتي كالتالي
الذهاب من الرياض الى جنيف
و على طول نستأجر السيارة وعلى انترلاكن ان شاء الله
لأني رحتلها الصيف اللي راح وماعاد اقدر اتحمل اني ما اشوفها ثاني مرة
وابقعد فيها 5 ايام
طبعا حجزت فندق هناك عن طريق النت اسمه
Hotel Harder Minerva‏
ودفت عن طريق الفيزا
السؤال هل فيه فنادق احسن وارخص او نفس السعر وقريبة من الشارع الرئيسي اللي عليه فندق فكتوريا غير هذا
هل هالفندق كويس وامان ونظيف؟؟
ممكن الاقي هناك شقق او بيوت اسعارها حلوة وقريبة؟
لأن عيوني انعمت وانا ادور بالنت ومرة طفشت
ومن كثر ما ادور احس اني كرهت السفرة .
بعد انترلاكن بنروح ان شاء الله 4 ايام باريس
وحجزت في هالفندق
Stella Etoile‏
نفس الاسئلة بالنسبة للفندق
هل فيه شقق قريبة من الشانز وسعرها مناسب
وهل هالفندق امان ونظيف ؟
اذا مالقينا مواقف عند الفندق كيف ممكن نوقف في المواقف العامة وكم ياخذون؟
اخر يومين بتكون في جنيف
وحجزت بهالفندق
Hotel Tor‏
بعد وش انطباعاتكم عنه ؟؟
بالنسبة للاحداثيات نزلت برنامج قوقل ايرث وقاعدة اخذ الاحداثيات منه صح علي والا غلط ؟؟
والاحداثيات تجي رقمين طوال جنب بعض اي واحد فيهم اللي المفروض يكون صح
دمي ثقيل واسألتي واجد صح
مرة سوري بس اول مرة انا اروح واحجز واللي معاي يجيبون المرض ماعندهم استعداد يسوون اي شي في الحياة .
ام وش بعد
الشركة حقت السيارات اللي كلمتهم هنا في الرياض جنب مجمع الموسى بس نسيت اسمها
احس احسن اخذ من هنا وارتاح والا وش رايكم؟
والله مرة طفشانة ومتضايقة واول مرة احس ان فرحتي انطفت من السفرة من كثر الخربطة وان كل شي على راسي
ومرة شكرا لكم الله يسعدكم ويوفقكم .... واذا جيت اوعدكم بتقرير جميل
تحياتي