نشر في ميونيخ

جاهز للسفر ولكن

hepara

30-05-2022 - 07:00 pm

السلام عليكم
خلاص انتهيت تجهيزات السفر ان شاء الله بنسبة 99.99% بس باقي اعرف شوية حاجات ^^
انا بستأجر سيارة من مطار ميونخ وبقعد في ألمانية تقريبا اسبوع وبعدها للنمسا وعلى حسب ماقريت فيه استكرات للقيادة خارج ألمانيا تقريبا ... من وين هذي الاستكرات وهل أطلب من الشركة حق السيارة تعطيني ؟
وكمان بالنسبة للشرب ... هل فيه كراتين ماء زي عندنا هنا اشتري واحد ويكون معي على طول او فيه طريقة ازين ؟
اشتريت اغراض كثير للأكل ... معلبات كثير
هل هي مسموحه اسافر بها ؟ زي التونه والجبنة والطحينية والزيتون ؟
أرجو الإفادة ... وشكرا

التعليقات (8)

abu abdullah202

30-05-2022 - 09:46 pm

الي فهمته من الاعظاء الكرام ان الاستكرات هذي خاصه بالقياده على الطرق السويسريه وهي موجوده في المحطات على الطرق
بالنسبه للماء السبرماركت فيها كل شي بس اذكر العبوه الكبيره4 لتر اوفر لك
بالنسبه للمعلبات اذكر اخذت في الشنطه جبن وقشطه وخلافه واغراض القهوه والشاي
ونزلت مطار ميونخ عام2009 ولاحد قلي شي
وانا جالس الحين ارتب الشنطه وابسوي مثلك اباخذ كل المعلبات حتى الرز لاني ثلاث ايام وقرف من المطاعم لازم اطبخ
بس ترى اذا نقص علينا جبن ولاحاجه نبي نمرك ولا اصوتلك بالمنتدى

اقتراح جميل

30-05-2022 - 10:47 pm

الاستكر تاخذه من محطات الوقود وليس محدد بدوله بعينها
المعلبات مسموح بدخولها وكذلك القهوه والرز اذا انت من هواه الطبخ
توجد احجام متعدده للمياه والافضل والارخص تاخذها من السوبرماركت

ALI_Q8_77

30-05-2022 - 11:48 pm

في ستيكر خاص للنمسا .. تشترينه اول محطه اتصادفك بالنمسا
الاجبان اذا فتشوا يأخذونها
تحياتي

senior

31-05-2022 - 12:49 am

ما يحتاج تجيب معك معلبات واجبان
تجيب جبن لديرة الاجبان
ممكن تجيب عدة القهوة والباقي كله متوفر
ولا تشيل هم الرحلة بزيادة
انت رايح تستمتع مو تشيل هم

hepara

31-05-2022 - 01:50 am

الله يجزاكم خير وان شاء الله مايصير إلا كل خير
وأبشر والله بالجبن وكل شي حلالك ^^
وبالنسبة اني اخذه من هنا عشان أرتاح نفسيا لأني من النوع اللي يخاف يجرب -_-
لكم خالص الود
وتمنايتي للكل برحلى آمنه وسعيده ^^

دمـوع الوجـد

31-05-2022 - 02:51 am

والله احنا اخذنا معنا كل انواع الجبن والمايونيز والكتشب حقنا وكل شي ولا احد قالنا شي
الجبن عندهم هناك اغلبه يحطون معاه ثوم ماعجبني ابدا
المانيا مالها استكر للطرق بس للنمسا فيه استكر قيمته 7 يورو تشتريه اول ماتطلع من المانيا وتدخل النمسا تلقاه بالمحطات سعره 7 يورو حطه على القزازه حقت السياره
بس الشنطه حطها مع العفش مو تشيلها بيدك لان فيها سوايل

hepara

31-05-2022 - 03:52 am

يعطيك ألف عافية
انا خفت بس يوم حذرني اخوي هو في بريطانيا يقول انه ممنوع واخذوها منه يوم كان مسافر ×_×
لكن خير ان شاء الله
تحياتي

وحيدة اهلها

31-05-2022 - 04:53 am

اخوي احنا نودي شنطة كاملة اكل (اجبان - تونه - رز - اندومي - مكرونية - بهارات - شاي - قهوه )
حتى يوم رحنا امريكا شنطة كاملة مستقلى اكل لان الولد ما يحب اكل المطاعم الا لضرورة

ميونيخ المسافرون العرب

جاهز للسفر ولكن